އީރާނުގެ އައު އެންމެ މަތީ ލީޑަރު އައްޔަން ކުރުމުގެ މަރުހަލާއަށް ހުރަސް އެޅުމުގެ ގޮތުން ޤުމްގައި ހުންނަ އީރާނުގެ ތަޖުރިބާކާރުންގެ މަޖިލިސް ހިމެނޭ އިމާރާތަށް މިއަދު އިސްރާއީލުން ބޮމުގެ ހަމަލާދީފައެވެ.
މި މަޖިލީހަކީ އީރާނުގެ ވެރިކަމުގެ އައު އެންމެ މަތީ ލީޑަރަކު އައްޔަން ކުރުމުގެ ބާރު ލިބިގެންވާ ފަރާތެވެ. އައު ލީޑަރަކު ހޮވުމަށް ކައުންސިލްގައި ހިމެނޭ ދީނީ އިލްމުވެރިން ވޯޓުލަނީ މަދު މީހުން އެކުލެވޭ ސިއްރު ކޮމިޓީއަކުން އެކުލަވާލައި، ޝޯޓްލިސްޓްވެފައިވާ ކެންޑިޑޭޓުންގެ ތެރެއިން އެކަކަށެވެ.
އިސްރާއީލުގެ ހަމަލާތަކުގެ ފުރަތަމަ ރާޅުގައި މިދިޔަ ހޮނިހިރު ދުވަހު އިސްރާއީލުގެ އެންމެ މަތީ ލީޑަރު އަލީ ޚާމަނާއީ އާއި އީރާނުގެ އިސް އޮފިޝަލުން ވަނީ އަވަހާރަކޮށްލަައިފައެވެ.
އިސްރާއީލުގެ ދިފާއީ އޮފިޝަލް ބުނީ މި ހަމަލާތައް ދީފައި ވަނީ ވޯޓު ގުނަމުން ދަނިކޮށް ކަމަށެވެ. ކައުންސިލްގެ 88 މެންބަރުންގެ ތެރެއިން އެވަގުތު އެ އިމާރާތުގައި ތިބީ ކިތައް މެންބަރުން ކަމެއް އަދި އެނގިފައެއް ނުވެއެވެ.
“އަޅުގަނޑުމެން ބޭނުންވީ އެމީހުން އައު އެންމެ މަތީ ލީޑަރަކު ހޮވުން ހުއްޓުވަން،” އޮފިޝަލް ބުނެފަައި ވެެެއެވެ.
ކިޔުންތެރިންގެ ހިޔާލު