ސްޓްރޯކެއް ޖެހި ސީރިއަސް ހާލަތެއްގައި އޮތް ފިލްމީ ތަރި އަހްމަދު ނިމާލް, އިތުރު ފަރުވާއަށް ރާއްޖެއިން ބޭރަށް ގެންދިއުމުގެ މަސައްކަތް ފަށައިފި އެވެ.
އާއިލާއާ ހަވާލާދީ އެމްއެސްޕީއޭ އިން މިރޭ ބުނީ ޑޮކްޓަރުގެ ލަފަޔާއެކު އިތުރު ފަރުވާއަށް ނިމާލް, ރާއްޖެއިން ބޭރަށް ގެންދަން މަސައްކަތް ފަށާފައިވާ ކަމަށެވެ.
ނިމާލަށް މިވަގުތު ފަރުވާ ދެމުންދަނީ އައިޖީއެމްއެޗްގެ އައިސީޔޫގަ އެވެ. އޮޕަރޭޝަނެއް ވެސް ވަނީ ކޮށްފަ އެވެ. އާއިލާއިން އުންމީދުކޮށްގެން ތިބީ އޮޕަރޭޝަނަށް ފަހު ހާލަތު ރަނގަޅު ވަމުން އަންނާނެ ކަމަށެވެ. އެހެން ކަމުން ވީހާވެސް ގިނަ ބަޔަކު ހެޔޮ ދުއާކޮށް ދިނުމަށް އެދިފައިވެ އެވެ.
ކިޔުންތެރިންގެ ހިޔާލު