ޗައިނާއަށް ބާރުގަދަ ބިންހެލުމެއް އަތުވެއްޖެއެވެ.
އިންޑިއާގެ ބިންހެލުންތައް މޮނިޓާ ކުރަމުން އަންނަ އިދާރާއެއް ކަމަށްވާ ނޭޝަނަލް ސެންޓާ ފޯ ސިސްމޮލޮޖީއިން ބުނި ގޮތުގައި ބިންހެލުން އައިސްފައިވަނީ 6.2 މެގްނިޓިއުޑް ބާރުމިނުގައި ޗައިނާގެ ޒިންއިއަން ސަރަހައްދަށް ކަމަށެވެ.
އެ ބިންހެލުން އައިސްފައިވަނީ ބިމުގެ 10 ކިލޯ މީޓަރު އަޑިން ކަމަށް ވެސް އެ އިދާރާއިން ވަނީ ބުނެފައެވެ.
އެ އިދާރާއިން ބިންހެލުން އައިސްފައިވަނީ 6.2 މެގްނިޓިއުޑް ބާރުމިނުގައި ކަމަށް ރިޕޯޓް ކުރި ނަމަވެސް ޔޫރޯ މެޑިޓޭރިއަން ސިސްމޮލޮޖިކަލް ސެންޓަރުން ބުނީ ބިންހެލުން އައިސްފައިވަނީ 6.4 މެގްނިޓިއުޑް ބާރުމިނުގައި ބިމުގެ 7 ކިލޯމީޓަރު އަޑިން ކަމަށެވެ.
މި ބިންހެލުން އައިސްފައިވަނީ 135،000 މީހުން ދިރިއުޅޭ ޓުމްޒުކް ސިޓީގެ ހުޅަނގުއުތުރުން 154 ކިލޯމީޓަރު ދުރުންނެވެ. އަދި ކިރިގިސްތާނާއި 387 ކިލޯމީޓަރު ދުރުންނެވެ.
މި ބިންހެލުމާއި ގުޅިގެން އެއްވެސް ގެއްލުމެއް ލިބުނު ކަމެއް އަދި އެނގިފައެއް ނުވެއެވެ.
ކިޔުންތެރިންގެ ހިޔާލު