ބައިނަލްއަގުވާމީ އުމުރުން ދުވަސްވީ މީހުންގެ ދުވަސް ފާހަގަކުރުމަށް އިސްރަށްވެރިންގެ ހަވީރެއް ބާއްވަން ނިންމައިފިއެވެ.
މިއީ ސޯޝަލް މިނިސްޓްރީ އާއި އެޗްޑީސީ، އުރީދޫ އަދި ދިވެހި ފުލުހުންގެ ހިދުމަތް ގުޅިގެން ބާއްވާ ހަވީރެކެވެ.
އުމުރުން ދުވަސްވީ މީހުންނަށް އާއިލާތަކާއެކު އުފާވެރި މާހައުލެއްގައި ވަގުތު ހޭދަކުރުމުގެ ފުރުސަތު ހޯދައިދިނުމުގެ ގޮތުން ބާއްވާ މި ހަވީރު ކުރިއަށްދާނީ އޮކްޓޯބަރ ވާ ބުދަ ދުވަހުގެ ހަވީރު 4:30 ގައި ހުޅުމާލެ ފޭސް-2 ‘ރުއްގަނޑު 3’ ސަރަހައްދުގައެވެ.
މި ހަވީރުގައި އުމުރުން ދުވަސްވީ މީހުންނާއި އެފަރާތްތަކުގެ އާއިލާތަކަށް އުފާވެރި ހިތްހަމަޖެހޭ މަޖާ ވަގުތުކޮޅެއް ހޭދަކުރުމުގެ ގޮތުން އެކި ކަހަލަ ހަރަކާތްތަކާއި ކުޅިވަރުތައް ކުރިއަށް ގެންދިއުމަށް ވަނީ ނިންމާފައެވެ. އަދި ސޯޝަލް މިނިސްޓްރީގެ އިސްރަށްވެހިންގެ ނާދީގެ މެންބަރުންގެ ފަރާތުން ވެސް ތަފާތު ހަރަކާތްތައް ދައްކުވައިދޭ ސްޓޯލްތައް ތައްޔާރުކުރެވިފައި ހުންނާނެކަމަށް އެ މިނިސްޓްރީން ހާމަކުރައްވައެވެ.
ހިތްހަމަޖެހޭ އެކުވެރި މާހައުލެއްގައި އާއިލާތަކާއެކު އުފާވެރި ވަގުތުކޮޅެއް ހޭދަކޮށްލަން ލިބުމަކީ އުމުރުން ދުވަސްވީ ފަރާތްތަކަށް ދެވޭނެ ވަރަށް އަގުހުރި ހަދިޔާއެކެވެ. އެހެންކަމުން އާއިލާގެ އުމުރުން ދުވަސްވީ ފަރާތްތަކާއެކު ވީހާވެސް ގިނަ ފަރާތްތައް މި ހަވީރުގައި ބައިވެރިވުމަށް މިނިސްޓްރީން އެދިލައްވައެވެ.
ކިޔުންތެރިންގެ ހިޔާލު