އޮންލައިން ނޫސް “އަދަދު” ގެ ސޯޝަލް މީޑިއާ މަންސަތަކުގައި އާންމުކުރި “އައިޝާ” ޑޮކިއުމަންޓްރީގެ މައްސަލައިގެ ތަހުގީގު ކުރިއަށް ދަނިކޮށް، އެ ޑޮކިއުމަންޓްރީގައި ގެނެސްދީފައި ވަނީ ދޮގު ވާހަކަތަކެއްކަމަށް ދާޚިލީ ވަޒީރު އަލީ އިޙްސާން ވިދާޅުވެއްޖެއެވެ.
ބުދަ ދުވަހު އެކްސްގައި ހިއްސާ ކުރެއްވި ޕޯސްޓެއްގައި ވަޒީރު ވިދާޅުވީ، އަދަދު ނޫހުން ރައީސުލްޖުމްހޫރިއްޔާގެ މައްޗަށް ޒިނޭގެ ދޮގު ތުހުމަތުތަކެއް ކޮށްފައިވާކަމަށެވެ. އެހެންކަމުން އެ މައްސަލައިގައި އެ ޚަބަރު ފެތުރި މީޑިއާ އައުޓްލެޓް ފުލުހުން ތަހުގީގުކޮށް ބަލައި ފާސްކުރުމަކީ ރަނގަޅު ނިންމުމެއްކަމަށް ވަޒީރު ވިދާޅުވިއެވެ.
މީގެ އިތުރުން، ނޫސްވެރިކަމުގެ މިނިވަންކަން ކަށަވަރުކޮށްދީފައި އޮތް ނަމަވެސް، އެއީ ދޮގު ވާހަކަތައް ފަތުރައިގެން މީހުންގެ އަބުރު ކަތިލުމަށް ދީފައިވާ ހުއްދައެއް ނޫންކަމަށް ވެސް ވަޒީރު ވިދާޅުވިއެވެ.
ވަޒީރު ވަނީ ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީގައި ބަޔާންކޮށްފައިވާ ބައެއް މާއްދާތަކަށް ވެސް ޙަވާލާ ދެއްވާފައެވެ. އެގޮތުން އިސްލާމްދީނުގެ އަސްލަކާ ޚިލާފުނުވާ ގޮތުގެ މަތިން، ޚިޔާލު ފާޅުކުރުމުގެ މިނިވަންކަން ކޮންމެ މީހަކަށްމެ ލިބިގެންވާކަމަށް ބަޔާންކޮށްފައިވާ ކަމަށާއި، ޚަބަރާއި މައުލޫމާތާއި ފެންނަ ގޮތްތަކާއި ޚިޔާލުތައް ފެތުރުމުގެ މިނިވަންކަން ނޫސްވެރިކަމަށް ލިބިގެންވާކަމަށް ޤާނޫނުއަސާސީގައި ބަޔާންކޮށްފައިވާކަމަށް ވިދާޅުވިއެވެ.
ހަމައެއާއެކު، ކޮންމެ މީހަކަށްމެ، އެމީހެއްގެ އަބުރާއި ގަދަރު ރައްކާތެރިކުރުމުގެ ހައްގު ލިބިގެންވާކަމަށް ވެސް ޤާނޫނުއަސާސީގައި ބަޔާންކޮށްފައިވާކަން ފާހަގަ ކުރައްވައި ވަޒީރު ވިދާޅުވީ، ހަގީގަތާ ޚިލާފު ސީރިއަސް ތުހުމަތުތަކެއް އުފައްދައިގެން (ފެބްރިކޭޓްކޮށްގެން) ފެތުރުމަކީ ނޫސްވެރިކަމެއް ނޫން ކަމަށެވެ.
އެކްސްގައި ހިއްސާ ކުރެއްވި ޕޯސްޓު ނިންމަވާލައްވަމުން ވަޒީރު ވިދާޅުވެފައި ވަނީ ގާނޫނަށްވުރެ މަތީގައި އެއްވެސް ފަރާތެއް ނުވާ ކަމަށެވެ.
Maldives Police are right to investigate & raid the news outlet over false “Zina” allegations against the President. Press freedom is guaranteed, but not a free pass to destroy reputations with lies. Constitution of Maldives:
• Art 27: Freedom of expression (not contrary to…— Minister of Homeland Security, Labour & Technology (@min_mohst) April 28, 2026
މީގެ އިތުރުން، ނޫސްވެރިކަމުގެ މިނިވަންކަން ކަށަވަރުކޮށްދީފައި އޮތް ނަމަވެސް، އެއީ ދޮގު ވާހަކަތައް ފަތުރައިގެން މީހުންގެ އަބުރު ކަތިލުމަށް ދީފައިވާ ހުއްދައެއް ނޫންކަމަށް ވެސް ވަޒީރު ވިދާޅުވިއެވެ.
ވަޒީރު ވަނީ ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީގައި ބަޔާންކޮށްފައިވާ ބައެއް މާއްދާތަކަށް ވެސް ޙަވާލާ ދެއްވާފައެވެ. އެގޮތުން އިސްލާމްދީނުގެ އަސްލަކާ ޚިލާފުނުވާ ގޮތުގެ މަތިން، ޚިޔާލު ފާޅުކުރުމުގެ މިނިވަންކަން ކޮންމެ މީހަކަށްމެ ލިބިގެންވާކަމަށް ބަޔާންކޮށްފައިވާ ކަމަށާއި، ޚަބަރާއި މައުލޫމާތާއި ފެންނަ ގޮތްތަކާއި ޚިޔާލުތައް ފެތުރުމުގެ މިނިވަންކަން ނޫސްވެރިކަމަށް ލިބިގެންވާކަމަށް ޤާނޫނުއަސާސީގައި ބަޔާންކޮށްފައިވާކަމަށް ވިދާޅުވިއެވެ.
ހަމައެއާއެކު، ކޮންމެ މީހަކަށްމެ، އެމީހެއްގެ އަބުރާއި ގަދަރު ރައްކާތެރިކުރުމުގެ ހައްގު ލިބިގެންވާކަމަށް ވެސް ޤާނޫނުއަސާސީގައި ބަޔާންކޮށްފައިވާކަން ފާހަގަ ކުރައްވައި ވަޒީރު ވިދާޅުވީ، ހަގީގަތާ ޚިލާފު ސީރިއަސް ތުހުމަތުތަކެއް އުފައްދައިގެން (ފެބްރިކޭޓްކޮށްގެން) ފެތުރުމަކީ ނޫސްވެރިކަމެއް ނޫން ކަމަށެވެ.
އެކްސްގައި ހިއްސާ ކުރެއްވި ޕޯސްޓު ނިންމަވާލައްވަމުން ވަޒީރު ވިދާޅުވެފައި ވަނީ ގާނޫނަށްވުރެ މަތީގައި އެއްވެސް ފަރާތެއް ނުވާ ކަމަށެވެ.
ކިޔުންތެރިންގެ ހިޔާލު