އެމެރިކާ އާއި އިސްރާއީލުން ދިން ވަރުގަދަ ހަމަލާތަކުގައި، އަމަލީ މައިދާނުގައި ޚިދުމަތް ދެމުންދިޔަ އީރާނުގެ މަދުވެގެން 10 ނަރުހުން ޝަހީދުވެފައިވާ ކަމަށް އީރާނުގެ އިސްނާ ނިއުސް އެޖެންސީން ރިޕޯޓުކޮށްފިއެވެ.
އީރާނުގެ ނާސިން ސިސްޓަމް އޯގަނައިޒޭޝަނުގެ ޑައިރެކްޓާ ޖެނެރަލާއި ހަވާލާދީ އެ އެޖެންސީން ބުނެފައިވަނީ، މި ނަރުހުން ޝަހީދުވެފައިވަނީ އެމީހުން ޚިދުމަތް ދޭން ތިބި މަރުކަޒުތަކަށް ދިން ހަމަލާތަކުގައި ކަމަށެވެ. މި ހިތާމަވެރި ހާދިސާ ހިނގާފައިވީ ނަމަވެސް، އީރާނުގެ ސިއްހީ ޚިދުމަތްތަކަށް އެއްވެސް މެދުކެނޑުމެއް ނައިސް ކުރިއަށްދާ ކަމަށް އެ އެޖެންސީން ބުނެއެވެ.
ޑައިރެކްޓާ ޖެނެރަލް ފާހަގަކުރެއްވި ގޮތުގައި، ދިން ހަމަލާތަކުގެ ސަބަބުން ބޮޑެތި ގެއްލުންތަކެއް ލިބިފައިވީ ނަމަވެސް، ސިއްހީ މުވައްޒަފުން ދަނީ އެއްވެސް ވަރުބަލިކަމެއް ނެތި ބަލިމީހުންނަށް ޚިދުމަތް ދިނުމުގައި ދެމިތިބެމުންނެވެ.
މި ހަމަލާތަކަކީ ބައިނަލްއަގުވާމީ ގާނޫނުތަކާ ޚިލާފަށް، ސިއްހީ ޚިދުމަތްތެރިންނަށް އަމާޒުކޮށް ދީފައިވާ ހަމަލާތަކެއްގެ ގޮތުގައި އީރާނުގެ ކަމާބެހޭ ފަރާތްތަކުން ވަނީ ސިފަކޮށްފައެވެ.
ކިޔުންތެރިންގެ ހިޔާލު