އީރާނުން ދޯހާގެ އުސް އިމާރާތަކަށް ހަމަލާދީފިއެވެ.
އީރާނުން ދޯހާއަށް ހަމަލާތަކެއް ދެމުން އަންނަނީ އެމެރިކާ އާއި އިސްރާއީލުން އެގައުމުން މިއަދު ހެނދުނު ދޭން ފެށި ހަމަލާތަކާއި ގުޅިގެން ބަދަލު ހިފުމުގެ ގޮތުންނެވެ. އެގޮތުން ދޯހާއަށް ދޭ ހަމަލާތަކަކީ އެގައުމުގައި ގާއިމުކޮށްފައިވާ އެމެރިކާގެ އަސްކަރީ މަރުކަޒުތަކަށް ދެމުން އަންނަ ހަމަލާތައް ކަމަށް ރިޕޯޓްތަކުން ވަނީ ބުނެފައެވެ.
ރިޕޯޓްތަކުން އެފަދައިން ބުނެފައިވާއިރު، އީރާނުގެ ހަމަލާއެއް ދޯހާގެ އުސް އިމާރާތަކަށް އަމާޒުވާ މަންޒަރު ފެންނަ ވިޑީއޯތަކެއް މިހާރު މީސްމީޑިއާގައި ދަނީ ދައުރުވަމުންނެވެ. ރިޕޯޓްތަކުން ބުނާ ގޮތުގައި ހަމަލާ އަމާޒުވެފައިވާ އުސް އިމާރާތަކީ ދޯހާގައި ހުންނަ ގްރޭންޑް އެއާ ހޮޓަލެވެ.
އެ ހޮޓަލަކީ އެއީ އެމެރިކާގެ ފަސް ވަނަ ފްލީޓް މަރުކަޒުގެ ހެޑްކުއާޓާސް ކައިރީގައި ހުންނަ، އެމެރިކާގެ އަސްކަރިއްޔާގެ އޮފިޝަލުން ދިރިއުޅޭ އިމާރާތެއް ކަމަށް ރިޕޯޓްތަކުން ވަނީ ބުނެފައެވެ.
ދޯހާގެ އިތުރުން ވެސް އީރާނުން ދަނީ މެދުއިރުމަތީގައި އެމެރިކާގެ އަސްކަރީ މަރުކަޒުތައް ގާއިމުކޮށްފައިވާ ގައުމުތަކަށް ހަމަލާތައް ދެމުންނެވެ. އޭގެ ތެރޭގައި ކުވެއިތް، އަބޫދާބީ ފަދަ ގައުމުތައް ވެސް ހިމެނެއެވެ.
ކިޔުންތެރިންގެ ހިޔާލު