އެމެރިކާގެ ބިލިއަނަރު އިލޮން މަސްކްގެ ‘އެކްސް’ ގެ ސީއީއޯ ލިންޑާ ޔަޗަރީނޯ މަގާމުން އިސްތިއުފާ ދީފިއެވެ.
އެކްސްގެ ސީއީއޯގެ މަގާމުން ލިންޑާ އިސްތިއުފާ ދިން ކަން އޭނާ ހާމަކުރީ ސޯޝަލް މީޑިއާގައެވެ. އެކަން ހާމަކޮށް ލިންޑާ އާއްމުކުރި ޕޯސްޓުގައި ވަނީ, މި ނިންމުމަކީ އޭނާ އަމިއްލަ އިހްތިޔާރުން ނިންމި ނިންމުމެއް ކަމަށް ބުނެފައެވެ.
އެމެރިކާގެ ރައީސް ޑޮނަލްޑް ޓްރަމްޕާ މައްސަލަ ޖެހިފައިވާ މަސްކުގެ ކުންފުނިތަކުގެ ވިޔަފާރި ވަރަށް ބޮޑަށް ދަށްވެފައިވާއިރު, ތަޖުރިބާކާރު ލިންޑާ އެކްސްއިން ވަކިވުމަކީ މަސްކްގެ އަގު ދަށްވެފައިވާ ވިޔަފާރިތަކަށް އިތުރު ގޮންޖެހުމެއް ގެނުވާނެ ކަމެކެވެ.
އިޝްތިހާރުކުރުމުގެ ދާއިރާގެ މާހިރެއް ކަމުގައިވާ ލިންޑާ އޭނާގެ މަގާމުން އިސްތިއޔފާ ދީފައި މި ވަނީ އެ މަގާމުގައި 2 އަހަރު ހޭދަކުރުމަށް ފަހުއެވެ. ލިންޑާ އެ މަގާމަށް އައްޔަނުކުރީ, މަސްކް އެކްސް ގަން ފަހުން އެ ޕްލެޓްފޯމަށް ފާޑުކިޔުންތައް އަމާޒުވެފައިވާތީ އެ ކަން ހައްލު ކުރުމަށް ޓަކައެވެ.
ލިންޑާ, މަގާމުން އިސްތިއުފާ ދިން ސަބަބެއް ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު