ރާއްޖޭގެ އެންމެ ބޮޑު ސިޔާސީ ޕާޓީ، އެމްޑީޕީގެ ރައީސް އަބްދުﷲ ޝާހިދު، ޕާޓީގެ އެތެރޭގެ އިންތިޚާބުތަކުގައި ޕާޓީގެ ރައީސްގެ ހައިސިއްޔަތުން ވަކި ކެންޑިޑޭޓަކަށް ތާއީދު ނުކުރައްވާނެ ކަމަށް ވިދާޅުވެއްޖެއެވެ. އެމަނިކުފާނު މިކަން ހާމަކުރެއްވީ މިއަދު އެމަނިކުފާނުގެ އެކްސް (ކުރިން ޓްވިޓަރ) އެކައުންޓުގައި ކުރެއްވި ޕޯސްޓެއްގައެވެ.
ޝާހިދު ވިދާޅުވީ، ޕާޓީގެ ރައީސްގެ މަޤާމުގައި ހުރެ ވަކި ކެންޑިޑޭޓަކަށް އެތެރޭގެ އިންތިޚާބެއްގައި ތާއީދު ކުރުމަކީ އެމަނިކުފާނު ޤަބޫލުކުރައްވާ އުސޫލެއް ނޫން ކަމަށެވެ. މިއީ ލޯކަލް ކައުންސިލް އިންތިޚާބުގެ އެމްޑީޕީ ޕްރައިމަރީއަށް ތައްޔާރުވަމުންދާ ދަނޑިވަޅެއްގައި އެމަނިކުފާނު ހާމަކުރެއްވި މުހިންމު ބަޔާނެކެވެ
.އެމަނިކުފާނުގެ ޕޯސްޓްގައި ވަނީ “ލޯކަލް ކައުންސިލް އިންތިޚާބުގެ އެމް.ޑީ.ޕީ ޕްރައިމަރީގައި ވާދަކުރައްވާ ހުރިހާ ކެންޑިޑޭޓުންނަށް ކާމިޔާބީއަށް އެދިވަޑައިގެންފައެވެ. އެމަނިކުފާނު ވިދާޅުވީ، “ލޯކަލް ކައުންސިލް އިންތިޚާބުގެ އެމް.ޑީ.ޕީ ޕްރައިމަރީގައި ވާދަކުރައްވާ ކެންޑިޑޭޓުންނަށް އަޅުގަނޑު ކާމިޔާބީއަށް އެދެން.”
މީގެ އިތުރުން، އެމްޑީޕީގެ ޓިކެޓް ކާމިޔާބު ކުރައްވާ ހުރިހާ ބޭފުޅުންނާއި އެކު ލޯކަލް ކައުންސިލް އިންތިޚާބު އެމްޑީޕީ އަށް ކާމިޔާބުކޮށްދިނުމަށް ހުރިހާ މަސައްކަތެއް ކުރުމަށް ތައްޔާރަށް ހުންނެވި ކަމަށްވެސް ޝާހިދު ވަނީ ފާހަގަކުރައްވާފައެވެ. އެމަނިކުފާނު ވަނީ، މާތް الله ގެ ހެޔޮ ރަޙްމަތްފުޅުން މި އިންތިޚާބު އެމްޑީޕީއަށް ބޮޑުކޮށް ކާމިޔާބު ކުރެވޭނެ ކަމުގެ އުންމީދުފުޅު ފާޅުކުރައްވާފައެވެ.
މި ބަޔާނުގެ ސަބަބުން، ޕާޓީގެ އެތެރޭގެ އިންތިޚާބުތަކަށް އޮންނަ އިތުބާރު އިތުރުވެ، ޕާޓީގެ މެމްބަރުންގެ މެދުގައި އިންސާފުވެރިކަމަށް ހިތްވަރު ލިބިގެންދާނެ ކަމަށް ބެލެވެއެވެ.
ކިޔުންތެރިންގެ ހިޔާލު