ބޮލީވުޑްގެ މަޝްހޫރު ބަތަލެއް ކަމަށްވާ އަޖޭ ދޭވްގަންގެ “ދްރިޝްޔަމް 3” ނެރޭނެ ތާރީހު އިއުލާނުކޮށްފިއެވެ.
ދްރިޝްޔަމް ފިލްމަކީ ބެލުންތެރެއިންގެ ތެރޭގައި ވަރަށް މަގްބޫލް ފިލްމެކެވެ. އޭގެ އެއްވަނަ އަދި ދެވަނަ ބަޔަކަށް ގިނަ ބައެއްގެ ސަޕޯޓު ވަނީ ލިބިފައެވެ.
އިންޑިއާގެ ނޫސްތަކުގައި ރިޕޯޓްކޮށްފައިވާ ގޮތުގައި އެ ފިލްމުގެ ތިންވަނަ ބައެއް ނެރޭނެކަން މިހާރު ވަނީ އިއުލާނުކޮށްފައެވެ. އެގޮތުން އެ ފިލްމު ނެރުމަށް ހަމަޖެހިފައިވަނީ އަންނަ އަހަރުގެ އޮކްޓޫބަރު މަހުގެ ދެވަނަ ދުވަހުގައި ކަމަށް ވެސް ރިޕޯޓްކޮށްފައިވެއެވެ.
ތިންވަނަ ބައިން ވެސް ފެނިގެން ދާނީ އަޖޭ، ތާބޫ، ޝްރިޔާ ޝަރަން އަދި ރަޖަތް ކަރަންނެވެ.
ދްރިޝްޔަމްގެ ފުރަތަމަ ބައިގައި ދައްކުވައިދެނީ ފުލުހުންގެ އިސް މީހެއްގެ ފިރިހެން ދަރިއަކު އަޖޭގެ އަންހެން ދަރިފުޅަށް ޖިންސީ ގޯނާ ކުރަން އުޅުމުގެ ތެރޭގައި އޮޅިގެން މަރާލެވޭ މަންޒަރެވެ. އަދި އެކަމުން އޭނާގެ އާއިލާ ސަލާމަތް ކުރުމަށް އަޖޭ އާއި އޭނާގެ އައިލާ ކުރާ މަސައްކަތެވެ. ފުލުހުންގެ އިސް މީހާގެ ބައި ކުޅެނީ ތާބޫއެވެ. ތާބޫ މަސައްކަތް ކުރާތަން ފެންނަނީ އޭނާގެ ދަރިފުޅު ނުފެނިގެން ހޯދުމަށެވެ.
އެ ފިލްމުގެ ދެވަނަ ބައިގައި ދައްކުވައިދެނީ ތާބޫ އަޖޭ އާއި އޭނާގެ އާއިލާއަށް އަތަބު ދިނުމަށް ކުރާ މަސައްކަތެވެ. ނަމަވެސް އެއްވެސް ހެއްކެއް ނުލިބުމުގެ ސަބަބުން އަބަދު ނުދެވެއެވެ.
ކިޔުންތެރިންގެ ހިޔާލު