އެމެރިކާގެ ރައީސް ޑޮނަލްޑް ޓްރަމްޕް އެހެން ޤައުމުތަކުގެ ދާޚިލީ ކަންކަމަށް އަތްބާނަން މަސައްކަތް ކުރާތީ ބްރެޒިލްގެ ރައީސް ލުއިސް އިނާސިއޯ ލޫލާ ޑި ސިލްވާ ފާޑު ވިދާޅުވެއްޖެއެވެ.
“ރެކޯޑް” ޓީވީއަށް ދެއްވި އިންޓަވިއުއެއްގައި ލޫލާ ޑި ސިލްވާ ވިދާޅުވީ:
“ދުނިޔޭގެ ފުލުސް މީހާގެ ގޮތުގައި އިންތިޚާބު ވެފައިވާކަމަށް ޓްރަމްޕް ހީކޮށްގެން ނުވާނެ ކަމަށެވެ. ތިބާ އިންތިޚާބު ކޮށްފައި ވަނީ އެމެރިކާގެ ރައީސްގެ ގޮތުގައެވެ. އަދި އެމެރިކާގައި ތިބާއަށް ބޭނުން ކަމެއް ކުރެވިދާނެއެވެ. އަދި މިތާ ބްރެޒިލްގައި ކަންކަން ބަލަހައްޓާނީ އަޅުގަނޑުމެން ބްރެޒިލް މީހުންނެވެ.”
އޮރިޔާން ފިލްމު ކުޅުނު ޑެނިއެލް ސްޓޯމީ ރޭޕްކޮށް އެކަން މަތިޖަހަން ފައިސާ ދިނުމާއި އަދި 40 އެތައް އަނެހެނުންނެއް ރޭޕްކުރުމުގެ ކުށް ޝަރީއަތަށް ސާބިތުވެފައިވާ އެމެރިކާގެ ޓްރަމްޕް ރައިސަކީ ޝަރުއީ ދާއިރާއާ ގަޔާވާ ބޭފުޅެއް ނޫނެވެ.
ބްރަޒިލްގެ ކުރީގެ ރައީސް ޖައިރު ބޯލްސޮނާރޯގެ ޝަރީއަތް ކުރަން ފެށުމުން ޓްރަމްޕް ވަނީ ބްރަޒިލަށް އިންޒާރު ދެއްވާފައެވެ. އަދި “ޓްރޫތް ސޯޝަލް” ޕްލެޓްފޯމްގައި ލިޔުއްވާފައި ވަނީ “މަގޭ އެކުވެރިޔާ ބްރެޒިލްގެ ކުރީގެ ލީޑަރު ޖައިރު ބޯލްސޮނާރޯ ވަނީ ސިޔާސީ އަނިޔާގެ ޝިކާރައަކަށްވެފައި” ކަމަށާއި، އޭނާގެ މައްޗަށް ހިންގަމުން ގެންދާ ދަޢުވާ ނިންމާލުމަށް ގޮވާލާ ކަމަށެވެ.
ޓްރަމްޕްގެ ބަޔާނަށް ރައްދު ދެއްވަމުން ލޫލާ ޑަ ސިލްވާ ވިދާޅުވީ ބްރަޒިލްގެ ޝަރުއީ ނިޒާމަކީ އެމެރިކާގެ ނިޒާމަށް ވުރެން މިނިވަން ނިޒާމެއް ކަމަށެވެ. އެމެރިކާގައި ފަނޑިޔާރުން އައްޔަން ކުރަނީ ސިޔާސީ ޕާޓީތަކުގެ ފިކުރުގައެވެ. އަދި ސުޕްރީމް ކޯޓަށް ފަނޑިޔާރުން އައްޔަން ކުރަނީ އެވަގުތު ވެރިކަމުގައި ހުންނަ މީހެއްގެ ސިޔާސީ ފިކުރާ އެއްގޮތަށެވެ.
ބްރެޒިލްގެ ރައީސް އެމެރިކާގެ ރައީސަށް ހަނދުމަފުޅު ކޮށްދެއްވީ، ބްރެޒިލް ދައުލަތަށާއި ބްރެޒިލްގެ ޢަދުލު އިންސާފަށް އިޙްތިރާމް ކުރެއްވުމަށެވެ.
ކިޔުންތެރިންގެ ހިޔާލު