ބޮލީވުޑްގެ މަޝްހޫރު ބަތަލާ އާލިއާ ބަޓުގެ ފިލްމު “އަލްފާ” އެޅުވުން ލަސްކޮށްފިއެވެ.
އާލިއާ ބަޓް އާއި ޝަރްވަރީ ސްޓާރުންގެ ގޮތުގައި ފެނިގެންދާ “އަލްފާ” ކުރިން އެޅުވުމަށް ހަމަޖެހިފައިވަނީ މިއަހަރުގެ ޑިސެމްބަރު މަހުގެ 25 ވަނަ ދުވަހުއެވެ.
ނަމަވެސް މި ފިލްމު މިހާރު އެޅުވުމަށް ނިންމާފައިވަނީ އަންނަ އަހަރުގެ އޭޕްރީލް މަހުގެ 17 ވަނަ ދުވަހުގައި ކަމަށް ފިލްމު އުފައްދާފައިވާ ޔަޝް ރާޖް ފިލްމްސްއިން ބުނެފައިވެއެވެ.
މި ފިލްމަކީ ސްޕައި ޔުނިވާސް ދަށުން ފުރަތަމަ ފަހަރަށް އަންހެން ފަންނާނަކު މައިގަނޑު އެކްޝަން ރޯލްއަކަށް ކާސްޓްކޮށް އުފައްދާ ފިލްމެވެ،
އެހެން ކަމުން މި ފިލުމުގައި ދައްކާ މަންޒަރުތައް އެންމެ ފުރިހަމަ ނިންމާ އަދި ފިލުމުގެ ވިޝުއަލް މަސައްކަތްތައް އެންމެ ފެންވަރު ރަނގަޅަަށް ގެނެސް ދިނުމަށްޓަކައި އިތުރަށް މަސައްކަތް ކުރަމުން ދިއުމާއި އެކު ފިލުމު އެޅުވުން ލަސްވަނީ ކަމަށް ފިލުމު އުފައްދާ ޔަޝް ރާޖް ފިލުމުސް އިން ބުނެފައިވެއެވެ.
އާލިއާ ބަޓް އާއި ޝަރްވަރީ ފެނިގެންދާ މި އެކްޝަން ފިލުމުގައި އިތުރު ތަރިންގެ ތެރޭގައި އަނިލް ކަޕޫރާއި ބޮބީ ޑިއޯލު މުހިންމު ރޯލަކުން ފެނިގެންދާނެއެވެ.
ކިޔުންތެރިންގެ ހިޔާލު