މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ޗެއަރޕާސަން އަދި ކުރީގެ އިކޮނޮމިކް މިނިސްޓަރު، ފައްޔާޒް އިސްމާއިލް، ޕާޓީގެ ޤައުމީ މަޖްލީހުގެ 4 ވަނަ ދައުރުގެ 25 ވަނަ ޖަލްސާގައި ވާހަކަފުޅު ދައްކަވަމުން ވިދާޅުވެފައިވަނީ، އިރާދަފުޅުކުރެއްވިއްޔާ އެމްޑީޕީ ވެރިކަމަށް އެނބުރި އައިސްފިނަމަ، އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނަށް ބަދަލުތައް ގެނެސް، މިހާރު އޮތް ގޮތަށް ގާނޫނު ބަދަލުކޮއް އަދި އެއައއވުރެ އިތުރު ބާރުތަކާއި މިނިވަންކަން ރަށްތަކަށާއި ސިޓީތަކަށް ދޭނެކަމުގެ ޔަގީންކަން އަރުވާކަމަށެވެ.
ފައްޔާޒް މިހެން ވިދާޅުވީ، އެމްޑީޕީގެ ޤައުމީ މަޖްލީހުގެ 25 ވަނަ ޖަލްސާގައި ޕާޓީގެ ސިޔާސަތުތަކާ ގުޅޭގޮތުން ވާހަކަފުޅު ދައްކަވަމުންނެވެ. އެމްޑީޕީއަކީ ލާމަރުކަޒީ ނިޒާމު ހަރުދަނާކޮށް، ރައްޔިތުންނާ ގާތުން ޚިދުމަތް ދިނުމަށް އަބަދުވެސް ވަކާލާތުކުރާ ޕާޓީއެއްކަން ފާހަގަކުރައްވައި، ކުރީގެ އެމްޑީޕީ ސަރުކާރުން ޤާނޫނަށް ގެނެސްފައިވާ ބަދަލުތަކުގެ ސަބަބުން ކައުންސިލްތަކަށް އިތުރު ބާރުތަކެއް ލިބިފައިވާކަން ފައްޔާޒު ފާހަގަކުރެއްވިއެވެ.
ނަމަވެސް، ފައްޔާޒު ވިދާޅުވީ، މިހާރުވެސް ޤާނޫނަށް އިތުރު ބަދަލުތައް ގެނެސް، ރަށު ކައުންސިލްތަކާއި ސިޓީ ކައުންސިލްތަކަށް އިތުރު އިޤްތިޞާދީ އަދި އިދާރީ ބާރުތައް ދިނުމަށް އެމްޑީޕީން ތާއީދުކުރާ ކަމަށެވެ. ވެރިކަމަށް އެނބުރި އަތުވެއްޖެނަމަ، އެ ކަންކަން ހާސިލްކުރުމަށް މަސައްކަތް ކުރާނެކަމުގެ ޔަގީންކަން އޭނާ ދެއްވިއެވެ. މި ޖަލްސާގައި ފައްޔާޒު ދެއްކެވި ވާހަކަފުޅުގައި، ލާމަރުކަޒީ ނިޒާމުގެ ދަށުން ރައްޔިތުންނަށް ލިބިފައިވާ ބާރުތަކުގެ މުހިންމުކަން ވަރަށް ބޮޑަށް ފާހަގަކުރެއްވިއެވެ.
ކިޔުންތެރިންގެ ހިޔާލު