ތައިލެންޑާއި ކެމްބޯޑިއާ ބޯޑަރުގައި ހަމަނުޖެހުން ހިނގައި 12 މީހަކު މަރުވެއްޖެއެވެ.
ތައިލެންޑާއި ކެމްބޯޑިއާ ގުޅޭ ބޯޑަރު ސަރަހައްދުގައި ހިނގި ހަމަނުޖެހުމުގައި ދެފަރާތުގެ ހަތިޔާރު އެޅި ސިފައިން ބަޑިޖަހައި 12 މީހުން މަރުވެފައިވާ ކަމަށް އޮފިޝަލުން ބުނެއެވެ.
ރިޕޯޓުތައް ބުނާގޮތުގައި ހަމަލާ ބަދަލުކުރުން ވަރުގަދަވާން ފަށާފައިވާ އިރު، ކެމްބޯޑިއާ ސިފައިން ވަނީ ތައިލެންޑަށް ރޮކެޓު ފޮނުވައި ހަމަލާދީފައެވެ. އަދި ތައިލެންޑުގެ ޖެޓުތަކުން ބޯޑަރު ސަރަހައްދުގެ ކެމްބޯޑިއާއަށް ދެ ބޮން ވައްޓާލާފައިވާ ކަމަށް ވެސް ރިޕޯޓުތައް ބުނެއެވެ.
ތައިލެންޑާއި ކެމްބޯޑިއާ ގުޅޭ ބޯޑަރު ސަރަހައްދުގެ ހަމަނުޖެހުން ބޮޑުވެފައި މިވަނީ، މިދިޔަ ބުދަ ދުވަހު ތައިލެންޑަށް ނިސްބަރްވާ ސިފައިންގެ މީހަކަށް ބޯޑަރު ސަރަހައްދުން މައިނަކަށް އެރި އެ ގޮވުމުގެ ސަބަބުން އެމީހާގެ އެއް ފައި ބުރިވި މައްސަލައިގެ ސަބަބުންނެވެ.
ދެގައުމުން ބަދަލުކުރަމުން އަންނަ ހަމަލާ ބަދަލުކުރުންތަކުގައި މަރުވެފައިވާ 12 މީހުންނަކީ ތައިލެންޑުގެ ތިން ޕްރޮވިންސަކަށް ނިސްބަތްވާ މީހުން ކަމަށް ރިޕޯޓުތައް ބުނެއެވެ. މަރުވި 12 މީހުންގެ ތެރޭގައި އާންމުންގެ 11 މީހަކު ހިމެނެއެވެ.
ހަމަލާތަކުގައި ތައިލެންޑުން މިހާތަނަށް 31 މީހަކަށް އަނިޔާވެ ފަރުވާ ދީފައިވާ ކަމަށްވެސް އެގައުމުން ބުނެއެވެ.
ތައިލެންޑާއި ކެމްބޯޑިއާ ގުޅޭ ބޯޑަރު ސަރަހައްދުގެ ހަމަނުޖެހުންތަކުގައި ކެމްބޯޑިއާ ފަޅިިން މަރުވި އަދި އަނިޔާވި މީހުންގެ ތަފްސީލެއް އެގައުމުން އަދި ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު