ޣައްޒާގެ ބިންތައް ހިފައި ނަސްލު ސާފުކޮށްލުމަށް ޔަހޫދީން ގެންގުޅޭ ހިޔަޅު ރޭވުންތައް ދޯހާގެ މަޝްވަރާތަކުގައި ހާމަވެއްޖެއެވެ. އެމެރިކާގެ ރުހުމާއެކު، ޔަހޫދީން ވަނީ ޣައްޒާގެ ސަރަހައްދު އަލުން ކުރަހާފައިވާ ޗާޓެއް މަޝްވަރާތަކަށް ހުށަހަޅާފައެވެ. ހަމާސް އިން ވަނީ މިކަމާ ދެކޮޅު ހަދާފައެވެ.
ޔަހޫދީން ހުށަހަޅާފައިވާ ހުށަހެޅުންތަކުން ހާމަވި ކަންތައްތަކުގެ ތެރޭގައި:
ޣައްޒާގެ ބިމުގެ ގާތްގަނޑަކަށް 40 ޕަސެންޓް އިޒްރޭލަށް ނެގުން ހިމެނެއެވެ. މިހާރުވެސް ޣައްޒާގައި ޔަހޫދީންނާއި ފަލަސްޠީނު މީހުން ދެބަޔަށް ވަކިކޮށްފައިވާ ބައިގައި ޔަހޫދީން ދަނޑުވެރިކަން ކުރަމުން ދަނީ ހިފާފައިވާ ޣައްޒާގެ ބިންތަކުގައެވެ. އެއީ 40 ކިލޯމީޓަރުގެ ސަރަހައްދެކެވެ.
ޔަހޫދީން އަލަށް ހިފަން ހުށަހަޅާ ބިންތަކުގެ ސަބަބުން 700،000 އަށްވުރެ ގިނަ ފަލަސްތީނު މީހުންގެ ގެދޮރު ގެއްލޭނެއެވެ.
ޔަހޫދީން ހުށަހަޅާ ހުށަހެޅުންތަކުގެ ތެރޭގައި:
ރަފާ ސިޓީ އެއްކޮށް އިޒްރޭލުގެ ކޮންޓްރޯލުގެ ދަށުގައި ބޭއްވުން އަދި؛ ބައިތު ލާހިޔާ، އުއްމުއްނަސްރު، ބައިތު ހަނޫން އަދި ޚުޒާޢާ ޓައުންގެ ބޮޑެތި ސަރަހައްދުތައް ޔަހޫދީންނަށް ލިބުން؛
ޝުޖާޢިއްޔާ، އައްތުއްފާޙާ، އަދި އައްޒައިތޫންގެ އަވަށްތަކާއި އިންވެގެންވާ ތަންތަން ޔަހޫދީންނަށް ދިނުން ހިމެނެއެވެ.
މި ހުށަހެޅުންތަކާމެދު ކަން ބޮޑުވުންތައް ފާޅުކުރާ ފަރާތްތަކުން ބުނެފައި ވަނީ އިޒްރޭލުން މަސައްކަތް ކުރަނީ ޣައްޒާއިން މީހުން މިސްރުގެ ސީނާއާ އާ ދިމާއަށް ނޫނީ ކަނޑުގެ އައްސޭރިއާ ދިމާއަށް ފައްސާލައި މަޑުމަޑުން މުޅި ސަރަހައްދުން އެއްކޮށް ނަސްލު ސާފުކޮށްލާށެވެ.
ކިޔުންތެރިންގެ ހިޔާލު