އިނގިރޭސިވިލާތުގެ ލޭބަރ ޕާޓީގެ 59 މެމްބަރުން ވަނީ ފަލަސްތީނުގެ ދައުލަތް ވަގުތުން ވަގުތަށް ބަލައިގަތުމަށް އިނގިރޭސި ސަރުކާރަށް ގޮވާލާފައެވެ. ޔޫކޭގެ ފޮރިން ސެކްރެޓަރީ ޑޭވިޑް ލެމީއަށް ފޮނުވި ޕެޓިޝަން ސިޓީއެއްގައި، އެ ފަރާތްތަކުން ބުނެފައި ޔަހޫދީން ކަށިނަރު ދަމައިގެން ރަފަޙުގައި ހަދާ ބަސްތީއަކަށް ޣައްޒާގެ ރައްޔިތުން މަޖުބޫރުން ބަދަލ ު ކުރުމަށް ޒަޔަނިސްޓުންގެ ދިފާއީ ވަޒީރު ހުށަހަޅާފައިވާ ހުށަހެޅުމަކީ ބައިނަލްއަޤްވާމީ ޤާނޫނާ ޚިލާފް ހުށަހެޅުމެއްކަމަށެވެ.
އަދި ހުޅަނގު އައްސޭރީގައި ޒަޔިނިސްޓުން ހިންގާ އާބާދީތަކާއެކު ކުރާ ވިޔަފާރި ހުއްޓުވުމާއި ފަލަސްޠީނުގެ ރައްޔިތުންނަށް އެހީވާ ރެފިއުޖީންނާ ބެހޭ އދގެ އިދާރާއަށް ދޭ އެހީ އިތުރުކުރުމަށާއި، ޔަހޫދީން ވަގަށް ނަފާގައިވާ މީހުން މިނިވަން ކުރުމަށާއި ޔަހޫދީ އަސީރުން މިނިވަން ކުރުމަށް މަސައްކަތް ކުރުމަށްވެސް ގޮވާލާފައިވެއެވެ.
މި ޕެޓިޝަނުގައި ސޮއިކުރި ފަރާތްތަކުން ބުނަނީ އިނގިރޭސި ސަރުކާރުން ފަލަސްތީނު ބަލައިގަތުން ލަސްކޮށް ދިގު ދަންމާނަމަ ދެ ދައުލަތުގެ ހައްލަށް އޮތް އިނގިރޭސި ސަރުކާރުގެ އިލްތިޒާމްތައް ބަލިކަށިވެގެން ދާނެކަމަށެވެ.
ކިޔުންތެރިންގެ ހިޔާލު