މިދިޔަ ހަފުތާ މާލެއާއި ބްރިޖާއި ހައިވޭގައި މުޅި ޖުމުލަ 67 އެކްސިޑެންޓު ހިނގާފައިވާ ކަމަށް ފުލުހުންގެ ތަފާސްހިސާބުތަކުން ދައްކައިފިއެވެ.
ފުލުހުން މިއަދު “އެކްސް” ގައި ކޮށްފައިވާ ޕޯސްޓުގައި ބުނީ މި 67 އެކްސިޑެންޓުގެ ތެރެއިން، 56 އެކްސިޑެންޓާއިއެކު އެންމެ ގިނަ އެކްސިޑެންޓު ހިނގީ މާލޭގައި ކަމަށެވެ.
Traffic Stats from 4–10 January 2026 in Male’, Bridge and Highway:
A total of 67 road accidents were reported across Malé, the bridge, and highway. Malé recorded the highest number of incidents with 56 cases. The highest number of accidents in a single day was recorded on 6… pic.twitter.com/mvIscR28tj
— Maldives Police (@PoliceMv) January 15, 2026
އަދި އެއް ދުވަސްތެރޭ އެންމެ ގިން އެކްސިޑެންޓު ހިނގީ މި މަހުގެ ހަ ވަނަ ދުވަހު ކަމަށް ފުލުހުން ބުންޏެވެ. އެ ދުވަހު ޖުމުލަ 13 އެކްސިޑެންޓު ވި ކަމަށް ފުލުހުން ފާހަގަ ކުރިއެވެ.
އަދި ހަތް ވަނަ ދުވަހު ޖުމުލަ 12 އެކްސިޑެންޓު ވި ކަމަށްވެސް ފުލުހުން ބުންޏެވެ.
މީގެ އިތުރުން ފުލުހުން ބުނީ ގިނަ އެކްސިޑެންޓުތައް ހިނގީ ދުވާލުގެ ވަގުތުތަކުގައި ކަމަށެވެ. އޭގެ ތެރެއިން ސައިކަލާއި ސައިކަލު ޖެހި 19 އެކްސިޑެންޓު، ސައިކަލާއި ކާރު ޖެހި 19 އެކްސިޑެންޓު ހިނގާފައިވާކަމަށް ފުލުހުންގެ ތަފާސް ހިސާބުތަކުން ދައްކާ ކަމަށް ފުލުހުން ބުންޏެވެ.
ފުލުހުންނަށް ރިޕޯޓުކޮށްފައިވާ 67 އެކްސިޑެންޓުގެ ތެރެއިން 66 އެކްސިޑެންޓުގައި ކުދި އަނިޔާ ލިބިފައިވާއިރު ބޮޑު އަނިޔާއެއް ލިބުނީ އެތަނުން އެއް އެކްސިޑެންޓުން ކަމަށް ފުލުހުން ބުންޏެވެ.
އެގޮތުން، މަގުމަތީގައި އުޅޭ އިރު މަގަށާއި ދުއްވާ އުޅަނދުތަކަށް ރައްކާތެރި ވުމުގެ އިތުރުން އެއްގަމު އުޅަނދު ދުއްވާ މީހުން މަގުމަތީގެ ގަވާއިދު ތަކަށް ރައްކާތެރިވުމަށް ފުލުހުން އިލްތިމާސް ކުރިއެވެ.
ކިޔުންތެރިންގެ ހިޔާލު