މިދިޔަ އަހަރަކީ މިހާތަނަށް ސިވިލް ކޯޓަށް އެންމެ ގިނަ މައްސަލަ ހުށަހެޅި، އަދި އެ ކޯޓުން އެންމެ ގިނަ މައްސަލަ ބަލައި ނިންމި އަހަރުގެ ކަމަށް އެ ކޯޓުން ހާމަކުރިން ތަފާސްހިސާބުތަކުން ދައްކައިފި އެވެ.
ކޯޓުން އާންމުކުރި ތަފާސްހިސާބުތަކުން ދައްކާ ގޮތުގައި ދިޔަ އަހަރު ޖުމްލަ 5،680 ގަޒިއްޔާ ސިވިލް ކޯޓުގައި ރަޖިސްޓްރީ ކުރި އެވެ.
މިއީ 2024 ވަނަ އަހަރު ރަޖިސްޓްރީ ކުރެވުނު ގަޒިއްޔާތަކަށްވުރެ 10.46 ޕަސަންޓު އިތުރު އަދަދެކެވެ.
މިދިޔަ އަހަރާއި އޭގެ ކުރީގެ އަހަރުތަކުގައި ހުށަހެޅިފައި ހުރި ގަޒިއްޔާތަކުގެ ތެރެއިން މިދިޔަ އަހަރު ސިވިލް ކޯޓުން ނިންމީ 6،718 ގަޒިއްޔާ އެވެ. އޭގެ ކުރީ އަހަރު އެ ކޯޓުން ނިންމީ 5،432 ގަޒިއްޔާ އެވެ.
މިއީ 24 ޕަސެންޓުގެ ކުރިއެރުމެކެވެ.
މިދިޔަ އަހަރު ސިވިލް ކޯޓުން ނިންމި ނިންމުންތަކަށް ބަލާއިރު އިޖުރާއީ ނިންމުމާއި، އިހްތިސާސްއާ މެދު ނިންމި ނިންމުން ތަކުގެ އަދަދަކީ 126 އެވެ. މިއީ 2024 އަށްވުރެ ނުވަ ނިންމުން މަދު އަދަދެކެވެ.
ދައުވާތަކުގެ ތެރެއިން ހުށަހެޅުނު ވަގުތީ އަމުރާއި ކޯޓު އަމުރާ މެދު މިދިޔަ އަހަރު ސިވިލް ކޯޓުން ނިންމާފައިވަނީ 166 ނިންމުމެވެ.
ކިޔުންތެރިންގެ ހިޔާލު