ހަންގޭރީގެ ޔުނިވާސިޓީތަކުން ދިވެހި ދަރިވަރުންނަށް ސްކޮލާޝިޕްގެ ފުރުސަތުތުތައް ހޯދަން ދިވެހި ސަރުކާރާއި ހަންގޭރީ ސަރުކާރާ ދެމެދު “ކޯޕަރޭޝަން ވިތިން ދަ ފްރޭމްވަރކް އޮފް ދަ ސްޓައިޕެންޑިއަމް ހަންގޭރިކަމް 2025 -2027” ފަހުމުނާމާގައި ސޮއިކޮށްފިއެވެ.
މި ފަހަމުނާމާގެ ދަށުން ހަންގޭރީގެ ޔުނިވާސިޓީ ތަކުގައި އަންޑަގްރެޖުއޭޓް، ގްރެޖުއޭޓް އަދި ޑޮކްޓޯރަލް ފެންވަރުގެ ސަނަދުތައް ހާސިލު ކުރުމަށް 2025 އިން 2027 އަށް، ކޮންމެ އަހަރުކުވެސް ދިވެހި ދަރިވަރުންނަށް 25 ސްކޮލަޝިޕް ފުރުސަތު ލިބިގެންދާނެއެވެ.
ނިއުުޔޯކްގައި ކުރިއަށްގެންދާ އ.ދ. ގެ އާންމު މަޖިލީހުގެ 80 ވަނަ ސެޝަންގެ އެންމެ އިސްބޭފުޅުންގެ ބައްދަލުވުންތަކުގެ ހަވާސާ ތެރެއިން، ބޭއްވި އިވެންޓެއްގައި ދިވެހި ސަރަކުރާގެ ފަރާތުން މި ފަހުމުނާމާގައި ސޮއިކުރެއްވީ ހާރިޖީ ވަޒީރު ޑރ. އަބްދުﷲ ޚަލީލެވެ. އަދި ހަންގޭރީ ސަރުކާރުގެ ފަރާތުން ސޮއިކުރެއްވީ އެ ޤައުމުގެ މިނިސްޓަރ އޮފް ފޮރިން އެފެއާޒް އެންޑް ޓްރޭޑް ޕީޓަރ ސިޔާރޓޯއެވެ.
ސްޓައިޕެންޑިއަމް ހަންގޭރިކަމް ޕްރޮގްރާމަކީ ބައިނަލްއަގްވާމީ ދަރިވަރުން ހަންގޭރީގައި މަތީ ތައުލީމު ހާސިލުކުރުމަށް ޝައުގުވެރިކުރުވުމަށާއި، ދަރިވަރުންނަށް ހަންގޭރީގައި އަމިއްލަ އަދި ރަސްމީ ގުޅުންތައް ގާއިމުކުރުމުގެ ފުރުސަތު ހޯދާދިނުމުގެ އިތުރުން ޔޫރަޕްގައި ތިބެ، އެންމެ މަތީ ފެންވަރުގެ ސެޓްފިކެޓްތައް ހާސިލުކުރުމުގެ ފުރުސަތު މަގުފަހިކޮށްދިނުމުގެ މަގްސަދުގައި ހަންގޭރީ ސަރުކާރުން ތައާރަފްކޮށްފައިވާ ޕްރޮގްރާމެކެވެ.
ކިޔުންތެރިންގެ ހިޔާލު