އައްޑޫ ސިޓީ، ހިތަދޫގައި ރޭ ދަންވަރުގެ ވަގުތެއްގައި ހިންގި މާރާމާރީއެއްގައި ތޫނު އެއްޗަކުން ހަމަލާދީ މީހަކު ޒަހަމްކޮށްލައިފިއެވެ.
ފުލުހުން މިއަދު ވިދާޅުވީ ހިތަދޫގައި ޒުވާނަކަށް ތޫނު އެއްޗަކުން ހަމަލާދީފައިވާ ކަމުގެ ރިޕޯޓު ލިބުނީ ރޭ ދަންވަރު 1:17 ގައި ކަމަށެވެ.
ހިތަދޫ، ނޫރާނީ ސުކޫލު ކުރިމަތީގައި ހިންގި އެ މާރާމާރީގައި އަނިޔާވެފައިވަނީ އުމުރުން 34 އަހަރުގެ ދިވެހި ފިރިހެނަކަށް ކަމަށް ފުލުހުން ވިދާޅުވިއެވެ. އޭނާގެ ހަށިގަނޑުގެ ދެ ތަނަކަށް ތޫނު އެއްޗަކުން ހަމަލާ ދީފައިވާ ކަމަށްވެއެވެ.
އެ މާރާމާރީގައި އަނިޔާވި މީހާއަށް ފަރުވާދެމުން އަންނަނީ އައްޑޫ އިކުއެޓޯރިއަލް ހޮސްޕިޓަލުގައެވެ.
މި މާރާމާރީ އާ ގުޅިގެން ޒަހަމްވި މީހާއަށް ލިބުނު އަނިޔާގެ ތަފްސީލެއް ހޮސްޕިޓަލުން ސާފުވާ ގޮތެއް ނުވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
ކިޔުންތެރިންގެ ހިޔާލު