ޗައިނާގައި ބޭއްވުމަށް ހަމަޖެހިފައިވާ ހަތަރު ދުވަހުގެ “ޗައިނާ ޔޫތު އެކްސްޗޭންޖް ޕްރޮގްރާމް 2025” ގައި ބައިވެރިވުމަށް ރާއްޖޭގެ 11 ސްކޫލެއްގެ ދަރިވަރުން މާދަމާ އެ ގައުމަށް ފުރާ ގޮތަށް ހަމަޖެހިއްޖެއެވެ.
މި ޕްރޮގްރާމް ކުރިއަށްދާނީ މާދަމާ އިން ފެށިގެން ސެޕްޓެންބަރު 12ގެ ނިޔަލަށް ޗައިނާގެ ސިޗުއާން ޕްރޮވިންސްގައެވެ.
މި ޕްރޮގްރާމްގައި 11 ސްކޫލަކުން ޖުމްލަ 12 ދަރިވަރުން ބައިވެރިވެއެވެ. އޭގެ ތެރޭގައި ހިމެނެނީ ހަ އަންހެން ދަރިވަރުންނާއި, ހަ ފިރިހެން ދަރިވަރުންނެވެ.
ތައުލީމީ ވުޒާރާއިން މައުލޫމާތުދެއްވާގޮތުގައި މި ޕްރޮގްރާމުގެ ތެރޭގައި ދަރިވަރުންނަށް ޗެންގުއާ ޕްރައިމަރީ ސްކޫލާއި، ސަންސިންގްޑޫއީ މިއުޒިއަމް ގެ އިތުރުން ޑުޖިއާންޖިއަން ރިސާޗް ސެންޓާ ފޯ ޖަޔަންޓް ޕަންޑާސްއަށް ޒިޔާރަތްކުރުމުގެ ފުރުސަތު ލިބިގެންދާނެއެވެ. މީގެ އިތުރުން ޗައިނާގެ ސަގާފީ ޙަރަކާތްތައް ބަލާލުމުގެ ފުރުޞަތުވެސް ދަރިވަރުންނަށް ލިބިގެންދާނެއެވެ.
އަދި މި ޕްރޮގްރާމްގައި ބައިވެރިވާ ދަރިވަރުންނަށް ޗައިނާގެ ސަގާފަތާއި ތާރީހާ ގުޅޭ ގިނަ މައުލޫމާތުތަކެއް ދޭނެ ކަމަށްވެސް ވިދާޅުވެފައި ވެއެވެ. އެ ގައުމުގައި ރާއްޖޭގެ ސަގާފަތް ދައްކާލާނެ ކަމަށްވެސް ވިދާޅުވެފައި ވެއެވެ.
ކިޔުންތެރިންގެ ހިޔާލު