މަސްތުވާތަކެތީގެ މައްސަލައެއްގައި މާލެއިން 23 އަހަރުގެ ޒުވާނަކު ހައްޔަރުކޮށްފިއެވެ.
ފުލުހުން އިއްޔެ ވިދާޅުވީ އިއްޔެ މާލޭގައި ހިންގި އޮޕަރޭޝަނެއްގައި މަސްތުވާތަކެތި ބޭނުންކުރުމާއި ޓްރެފިކްކުރުމުގެ ތުހުމަތުގައި 23 އަހަރުގެ ފިރިހެނަކު ހައްޔަރުކޮށްފައިވާ ކަމަށެވެ.
އެ އޮޕަރޭޝަންގައި އެޕާޓްމެންޓަކާއި ދެ ސައިކަލު ބަލާ ފާސްކޮށްފައިވާނެ ކަމަށް ވެސް ފުލުހުން ވިދާޅުވިއެވެ.
ފުލުހުން ވިދާޅުވީ އޮޕަރޭޝަންގައި 1،227.9 ގްރާމްގެ މަސްތުވާތަކެތި ކަމަށް ޝައްކުކުރެވޭ އެއްޗިހި ފެނިފައިވާ ކަމަށެވެ. އަދި 101،550 ރުފިޔާ ވެސް ފެނިފައިވާ ކަމަށެވެ.އޮޕަރޭޝަންގައި ބަލައި ފާސްކުރި ދެ ސައިކަލު ވަނީ ޓޯ ކޮށްފައި ކަމަށް ވެސް ފުލުހުން ވިދާޅުވިއެވެ.
ފުލުހުން ވިދާޅުވީ މި މައްސަލަ ގެންދަނީ އިތުރަށް ތަހުގީގުކުރަމުން ކަމަށެވެ.
ކިޔުންތެރިންގެ ހިޔާލު