ރާއްޖެއަށް މަސްތުވާތަކެތި އެތެރެކުރަން އުޅުނު ސްޕެއިންގެ ފިރިހެނަކު ހައްޔަރުކޮށްފިއެވެ.
އެ މީހާގެ ބަންދު އަމުރުން އެނގޭ ގޮތުގައި އޭނާގެ މައްޗަށް ކުރަނީ ރާއްޖެއަށް މަސްތުވާތަކެތީގެ ޓްރެފިކްކުރުމުގެ ތުހުމަތެވެ. އޭނާއަކީ ސްޕެއިނަށް ނިސްބަތްވާ އުމުރުން 60 އަހަރުގެ ފިރިހެނެކެވެ.
އޭނާގެ ބަންދާއިމެދު ގޮތެއް ނިންމުމަށް ކޯޓަށް ހާޒިރުކުރުމުން ވަނީ 10 ދުވަހަށް ކަސްޓޯޑިއަލް ޖަލެއްގައި ބަންދުކުރުމަށް އަމުރުކޮށްފައެވެ.
އަމުރުގައި ވިދާޅުވެފައިވަނީ އޭނާ ކުށްކުރިކަމަށް ތުހުމަތުކުރެވޭ ކޮންމެވެސް މިންވަރެއްގެ ހެކި ގަރީނާ ހުށަހަޅާފައިވާ ކަމަށެވެ. އެގޮތުން އޭނާ ރާއްޖެ އައިރު ލަގެޖްގައި ފޮރުވައިގެން މަސްތުވާތަކެތި އެތެރެކުރިކަމަށް ތުހުމަތުކުރެވޭ ކަމަށް ވެއެވެ.
އޭނާ އާއި ދިވެހީންގެ އިތުރު ބަޔަކު ބައިވެރިވިކަމަށް ތުހުމަތުކުރެވޭ ކަމަށާއި ފެނުނު ތަކެތި ފީލްޑް ކިޓުން ކޮކެއިންނަށް ޕޮސިޓްވެފައިވާ ކަމަށް ކޯޓު އަމުރުގައިވެއެވެ. އަދި ކޮންޓްރޯލް ޑެލިވަރީ ހިނގިފައިވާ ކަމަށް ވެސް ވެއެވެ.
ކިޔުންތެރިންގެ ހިޔާލު