ނަފްސާނީ ބަލިތަައް މެދުވެރިވެފައިވާ ފަރާތްތަކަށް ވަގުތުން އެހީތެރިކަން ފޯރުކޮށްދިނުމަށް ޤާއިމުކޮށްފައިވާ 24 ގަޑިއިރު ޚިދުމަތްދޭ ހެލްޕްލައިނަށް މައްސަލައެއް ދިމާވެފައިވާތީ، އެކަން ޙައްލުވަންދެން ގުޅާނެ ވަގުތީ ނަންބަރެއް، ނޭޝަނަލް މެންޓަލް ހެލްތު ޑިޕާޓްމަންޓުން ޢާންމުކޮށްފިއެވެ.
އެ ޑިޕާޓްމަންޓުން އެކްސްގައި ކުރި ޕޯސްޓެއްގައި ބުނެފައިވަނީ، ދިމާވި ޓެކްނިކަލް މައްސަލައެއްގެ ސަބަބުން ހެލްޕްލައިންގެ ޚިދުމަތް ވަގުތީގޮތުން މެދުކެނޑިފައިވާ ކަމަށެވެ. އަދި، މިކަން ޙައްލުކޮށް، ޚިދުމަތް އިޢާދަކުރުމުގެ މަސައްކަތްކުރަމުންދާ ކަމަށް ޕޯސްޓުގައި ބުނެފައިވެއެވެ. ހެލްޕްލައިން އަށް ދިމާވި މައްސަލަ ޙައްލުވަންދެން ގުޅުމަށް، ނޭޝަނަލް މެންޓަލް ހެލްތު ޑިޕާޓްމަންޓުން ދީފައިވާ ނަންބަރަކީ 7265402 މިއެވެ.
Due to a technical issue, the National Mental Health Helpline is temporarily unavailable. We are actively working to resolve the issue and will notify the public once the service is restored.
In the meantime, please contact us at 7265402 for immediate support and assistance. pic.twitter.com/GOiLxFRvPi
— National Mental Health Department (@nmhdmv) July 19, 2025
ނަފްސާނީ ޞިއްޙަތުގެ ޤައުމީ ހެލްޕްލައިނަކީ މިދިޔަ އަހަރުގެ ފެބްރުއަރީ މަހުގެ 21 ވަނަ ދުވަހު، ޞިއްޙަތާބެހޭ ވުޒާރާއިން އިފްތިތާޙުކުރި 24 ގަޑިއިރު ނަފްސާނީ އެހީ ފޯރުކޮށްދޭ ހެލްޕްލައިނެކެވެ. މި ހެލްޕްލައިންގެ އަމާޒަކީ، ނަފްސާނީ ޙާލަތެއް، ނުވަތަ އުނދަގޫތަކެއް ތަޙައްމަލުކުރަމުންދާ އެކި ޢުމުރުފުރާތަކުގެ މީހުންނަށް ކޮންމެ ގަޑިއެއްގައިވެސް އެ ޚިދުމަތް ފޯރުކޮށްދިނުމެވެ.
ކިޔުންތެރިންގެ ހިޔާލު