ހައުސިންގ ޔުނިޓް އެޅުމަށް ފައިނޭންސް ހޯދުމުގެ މަސައްކަތް ކުރިއަށްދާ ކަމަށް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވަޒީރު ޑރ. އަބްދުﷲ މުއްތަލިބް ވިދާޅުވެއްޖެއެވެ.
ވަޒީރު މުއްތަލިބް މިހެން ވިދާޅުވެފައިވަނީ އަހާ ފޯރަމްގައި އާންމު ރައްޔިތަކު ކުރެއްވި ސުވާލަކަށް ޖަވާބު ދެއްވަމުންނެވެ.
ވަޒީރު ވިދާޅުވެފައިވަނީ އެ މަޝްރޫއުތަކުގެ ތެރެއިން ކުރީގެ ސަރުކާރުގައި ހިޔާ ފްލެޓް ލިބޭނެ ކަމުގެ ލިޔުން ލިބި، ފަހުން އެ ފުރުސަތު ގެއްލުނު ފަރާތްތަކަށް އިސްކަންދެވޭނެ ކަމަށާއި ގުޅީފަޅުގައި އެޅުމަށް ހަމަޖެހިފައިވާ 4،000 ހައުސިންގ ޔުނިޓްވެސް މި މަޝްރޫއުގެ ތެރޭގައި ހިމެނޭ ކަމަށެވެ.
މީގެއިތުރުން ކުރީގެ ސަރުކާރުން ހިޔާ ފްލެޓް ލިބޭނެކަމުގެ ލިޔުން ދިނުމަށްފަހު، މިހާރުގެ ސަރުކާރުން އެ ލިސްޓުން ނަންތައް އުނިކުރީ އިންސާފުވެރި ގޮތެއްގައި ނޫން ކަމަށްވެސް އެމަނިކުފާނުގެ ވާހަކަފުޅުގައި ވަނީ ފާހަގަކުރައްވާފައެވެ.
ކިޔުންތެރިންގެ ހިޔާލު