ރާއްޖޭގެ އެކި ހިސާބުތަކަށް ވިއްސާރަކޮށް، ބޮޑު ސަރަހައްދެއްގެ ކަނޑުތައް ގަދަވާނެ ކަމަށް މޫސުމާ ބެހޭ ގައުމީ އިދާރާއިން މިއަދު ލަފާކޮށްފިއެވެ.
އެ އިދާރާއިން ބުނީ، މިއަދު ރާއްޖޭގެ އެކި ހިސާބުތަކަށް ވިއްސާރަކޮށް، ބައެއް ރަށްތަކަށް ބޯކޮށް ވާރޭ ވެހޭނެ ކަމަށް ބެލެވޭ ކަމަށެވެ.
މިގޮތުން، ދެކުނުގެ އަތޮޅުތަކަށް ވައި ޖެހޭނީ ދެކުނާއި ހުޅަނގު ދެކުނުން ގަޑިއަކު ފަސް މޭލާއި 15 މޭލާ ދެމެދުގައި ކަމަށް މެޓުން ބުނެއެވެ. އަދި، އެހެނިހެން ހިސާބުތަކަށް ވައި ޖެހޭނެ ކަމަށް މެޓުން ބުނަނީ، ހުޅަނގު ދެކުނާއި ހުޅަނގުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައެވެ.
ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައިގަދަވާނެ ކަމަށް މެޓުން އަންދާާޒާކުރެއެވެ.
ކަނޑުތަކަށް ބަލާއިރު، އުތުރާއި މެދު ރާއްޖެތެރޭގެ ކަނޑުތައް އާދައިގެ ވަރަކަށް ގަދަވެ، ތިން ފޫޓާ, ހަ ފޫޓާ ދެމެދަށް ރާޅުގެ އުސްމިން ހުންނާނެ ކަމަށް މެޓުން ބުނެއެވެ. އަދި، ދެކުނުގެ އަތޮޅުތަކުގެ ކަނޑުތައް އާދައިގެ ވަރަކަށް މަޑުވާނެ ކަމަށް ލަފާކޮށްފައިވެއެވެ.
އެ އިދާރާއިން ވަނީ، ވިއްސާރަކޮށް ބޯކޮށް ވާރޭވެހޭނެ ކަމަށް ލަފާކޮށް، ޅ. އަތޮޅުން ފެށިގެން އދ. އަތޮޅާ ހަމައަށް ހުދު ސަމާލު ނެރެފައެވެ. އެއީ، 18:00ގެ ނިޔަލަށެވެ.
ކަނޑުތައް ގަދަވާނެ ކަމަށް މެޓުން ބުނިއިރު، ކަނޑު ދަތުރުކުރާ މީހުން މޫސުމަށް ސަމާލުވުމަށް އަބަދުވެސް އިދާރާތަކުން އިލްތިމާސްކުރެއެވެ. އަދި، މޫސުމަށް ސަމާލުވެ، ރައްކާތެރިވާން ހަނދާންކޮށްދެއެވެ.
ކިޔުންތެރިންގެ ހިޔާލު