މެދުއިރުމަތީގެ ހަމަނުޖެހުންތަކާ ގުޅިގެން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އުފައްދަވައިފައިވާ ވަޒީރުންގެ ކޮމެޓީއަށް ބަދަލުގެންނަވައިފިއެވެ.
މި ކޮމެޓީއަށް ބަދަލުގެންނަވާފައިވަނީ ވަޒީރުންގެ މަޖިލީހަށް ގެންނަވާފައިވާ ބަދަލާ ގުޅިގެން 2026 އެޕްރީލް 15 ވަނަ ދުވަހު ބޭއްވެވި ވަޒީރުންގެ މަޖިލީހުގެ ޖަލްސާއިންނެވެ. މިހާރު މި ކޮމެޓީ ޗެއަރ ކުރައްވަނީ މާލީ ކަންކަމާއި ބެހޭ ވަޒީރެވެ.
މި ބަދަލާއެކު ކޮމެޓީގައި މިހާރު ހިމެނިވަޑައިގަންނަވަނީ މާލީ ކަންކަމާއި ސަރުކާރު ކުންފުނިތަކާއި ބެހޭ ވަޒީރު މޫސާ ޒަމީރު، ޚާރިޖީ ވަޒީރު އިރުތިޝާމް އާދަމް، އިޤްތިޞާދީ ތަރައްޤީއާއި ދަތުރުފަތުރާއި ވިޔަފާރިއާއި ބެހޭ ވަޒީރު މުޙައްމަދު ސަޢީދު، މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙްމަދު ޝިޔާމް އަދި ފަތުރުވެރިކަމާއި މަދަނީ އުދުހުންތަކާއި ބެހޭ ވަޒީރު މުޙައްމަދު އަމީނެވެ.
ކުރީގައި މި ކޮމެޓީގައި 9 ވަޒީރުން ތިއްބަވައެވެ. ނަމަވެސް މިހާރު މި ކޮމެޓީގައި ތިއްބަވާ ވަޒީރުންގެ އަދަދު 5 އަށް މަދުކުރައްވާފައިވެއެވެ.
ރައީސް އުފައްދަވައިފައިވާ މި ކޮމެޓީން ކޮންމެ ހަފްތާއަކު މެދުއިރުމަތީގެ ހަމަނުޖެހުންތަކާ ގުޅިގެން ސަރުކާރުން އަޅުއްވަމުން ގެންދަވާ ފިޔަވަޅުތައް ހާމަކުރައްވަމުން ގެންދަވައެވެ.
ކިޔުންތެރިންގެ ހިޔާލު