ލޯކަލް ކައުންސިލް އިންތިޚާބާއި، ޑަބްލިއުޑީސީ އެމްޑީޕީގެ ރައީސް އަބްދުﷲ ޝާހިދު ވޯޓުލައްވައިފި އެވެ.
ޝާހިދު، ވޯޓުލައްވާފައި ވަނީ މަޖީދިއްޔާ ސްކޫލްގައި ބަހައްޓާފައިވާ މެދު ހެންވޭރު ދާއިރާގެ ވޯޓުފޮށްޓަށެވެ.
ޝާހިދުގެ އަރިހުގައި އެ މަނިކުފާނުގެ މަންވެސް ވަނީ ވޯޓު ލައްވައިފަ އެވެ.
ވޯޓުލުން މިއަދު ހެނދުނު 8 އިން ފެށިގެން ހަވީރު 4 ޖެހުމާ ހަމައަށް ކުރިއަށް ދާނެއެވެ. މުޅި ރާއްޖޭގައި 588 ވޯޓުލާ މަރުކަޒު ވަނީ ގާއިމުކޮށްފައެވެ. އިންތިޚާބުގައި ވޯޓުލުމަށް ކޮންމެ މީހަކަށްވެސް ތިން ކަރުދާސްކޮޅު ދޭނެއެވެ. ކޮންމެ ކަރުދާހެއްވެސް ލާންޖެހޭނީ އެއިންތިޚާބަކަށް ޚާއްސަކޮށްފައިވާ ފޮއްޓަށެވެ. އިލެކްޝަންސް ކޮމިޝަނުން ކޮންމެ މަރުކަޒެއްގައިވެސް ވޯޓުލުމަށް ފަސޭހަ އިންތިޒާމުތަކެއް ވަނީ ހަމަޖައްސާފައެވެ.
މި އިންތިހާބުގައި 294،876 މީހަކަށް ވޯޓުލުމުގެ ހައްގު ލިބިގެންވެއެވެ. އެއީ 144،506 އަންހެނުންނާއި 150،370 ފިރިހެނުންނެވެ. ކައުންސިލް އިންތިހާބުގައި 1،592 ކެންޑިޑޭޓުން އަދި އަންހެނުންގެ ކޮމިޓީތަކުގެ އިންތިހާބުގައި 1،368 ކެންޑިޑޭޓުން ވާދަކުރެއެވެ.
ކިޔުންތެރިންގެ ހިޔާލު