ނުކުޅެދުންތެރިކަން ހުންނަ ފަރާތްތަކަށް، ފާއިތުވެދިޔަ ޖަނަވަރީ މަހު އެކަނިވެސް 54 މިލިއަނަށް ވުރެ ގިނަ ރުފިޔާ މާލީ އެހީގެ ގޮތުގައި ދީފައިވާކަމަށް ނެޝަނަލް ސޯޝަލް ޕްރޮޓެކްޝަން އޭޖެންސީއިން އާއްމުކުރި ތަފާސްހިސާބުތަކުން ހާމަވެއްޖެއެވެ.
މި ތަފާސްހިސާބުތަކުގައި ވާގޮތުން، މިއަހަރުގެ ޖަނަވަރީ މަހު، ނުކުޅެދުންތެރިކަން ހުންނަ ފަރާތްތަކަށް މާލީ އެހީގެ ގޮތުގައި 54،639،000 ރުފިޔާ ދީފައިވެއެވެ.
މިނިސްޓްރިގެ ހިސާބުތަކުގައި ވާގޮތުން މިދިޔަ އަހަރުގެ ނިޔަލަށް ނުކުޅެދުންތެރިކަން ހުންނަ ފަރާތްތަކުގެ ދަފްތަރުގައި 15236 ފަރާތެއް ރަޖިސްޓްރީ ކުރެވިފައިވެއެވެ. މީގެ ތެރެއިން މާލީ އެހީތެރިކަން ފޯރުކޮށްދީފައިވަނީ 14975 ފަރާތަކަށް ކަމަށް އެންސްޕާއިން ބުނެއެވެ.
ނުކުޅެދުންތެރިކަން ހުންނަ މީހުންގެ ދަފްތަރުގައި މިދިޔަ އަހަރުގެ ޑިސެންބަރާއި ހަމައަށް ރަޖިސްޓްރީވެފައިވަނީ 15059 ފަރާތެކެވެ. އެހެންކަމުން ޖަނަވަރީ މަހު އިތުރު 190 ފަރާތެއް ވަނީ ނުކުޅެދުންތެރިކަން ހުންނަ މިހުންގެ ގޮތުގައި އަލަށް ރަޖިސްޓްރީވެފައެވެ.
ކިޔުންތެރިންގެ ހިޔާލު