މުޅި ރާއްޖެއަށް މޫސުން ގޯސްވާނެ ކަމަށް ލަފާކޮށް ގައުމީ މޫސުމާ ބެހޭ އިދާރާ (މެޓް) އިން ހުދު ސަމާލު ނެރެފިއެވެ.
މެޓުން ހުދު ސަމާލު ނެރެފައިވަނީ ވަކި ވަކީން ދެ ސަރައްހައްދަކަށެވެ. ފުރަތަމަ ހުދު ސަމާލު ނެރިފައިވަނީ ގއ. އަތޮޅުން ފެށިގެން އައްޑޫ ސިޓީއަށެވެ. އެއީ މެންދުރު 14:30 އިން ފެށިގެން ރޭގަނޑު 19:30 އަށެވެ.
ދެވަނައަށް ހުދު ސަމާލު ނެރިފައިވަނީ ހއ. އަތޮޅުން ފެށިގެން ލ. އަތޮޅަށެވެ. އެއީ މެންދުރު 15:30 އިން ފެށިގެން ރޭގަނޑު 19:30 އަށެވެ.
އެ ސަމާލުތަކުގައި ވިދާޅުވެފައިވަނީ ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ. އަދި ކަނޑުތައް ގަދަވާނެ ކަމަށެވެ.
ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 45 މޭލަށް ވައި ގަދަވުން އެކަށީގެންވާ ކަމަށް ލަފާކޮށްފައިވެއެވެ.
ރާއްޖެއަށް މިހާރު ކުރަމުން އަންނަ ވިއްސާރާގައި ރާއްޖޭގެ އެކި ހިސާބުތަކުގައި ފެންބޮޑުވެފައިވާއިރު، ކަނޑުތައް ގަދަވުމުގެ ސަބަބުން ބައެއް ހާދިސާތައް ވެސް ވަނީ ހިނގާފައެވެ. އެގޮތުން ބޯޓެއް ދިޔަވެ، އަޑިއަށް ގޮސްފައިވާއިރު، ގދ. ގައްދޫން ފުރައިގެން އެއަތޮޅު ގަމަށް ދަތުރުކުރަމުން ދަނިކޮށް އިއްޔެ ވަނީ އުމުރުން ދުވަސްވީ މީހަކު ވެސް ގެއްލިފައެވެ.
ކިޔުންތެރިންގެ ހިޔާލު