ބައިނަލްއަޤްވާމީ މަދަނީ ޖަމިއްޔާއެއް ކަމަށްވާ ބަރަކާ ޗެރިޓީގެ ފަރާތުން ކ. ހިންމަފުށީ ސްކޫލުގެ 8 އަލަށް އިމާރާތްކުރި ކުލާސްރޫމަށް ބޭނުންވާ 132 ޑެސްކް އިއްޔެ ހަވީރު ރަސްމީކޮށް ހަދިޔާކޮށްފިއެވެ. މި ޑެސްކުތައް ބަރަކާ ޗެރިޓީއަށް ޖަހައިދީފައިވަނީ ހިންމަފުށީ އައްސޭރި ޖަލުގެ ވަޑާންގެއިންނެވެ.
ޑެސްކުތައް ސްކޫލާ ޙަވާލުކުރެއްވުމަށްޓަކައި އެ ސްކޫލުގައި ބޭއްވި ޚާއްސަ ރަސްމިއްޔާތެއްގައި، ބަރަކާ ޗެރިޓީ މޯލްޑިވްސްގެ ރައީސް އަޙްމަދު ޒަކީ ވަނީ ރަސްމީކޮށް ޑެސްކުތައް ސްކޫލާ ޙަވާލުކުރައްވާފައެވެ. ސްކޫލުގެ ފަރާތުން މި ޑެސްކުތަކާއި ޙަވާލުވީ އެ ސްކޫލްގެ ޕްރިންސިޕަލް މަރިޔަމް އިނާޝާ އެވެ. ޑެސްކުތައް ޙަވާލުކުރެއްވުމަށް ފަހު ޒަކީ ވިދާޅުވީ މިއީ ގިނަ ބައެއްގެ މަދަދުވެރިކަމާއެކު ހިންގުނު ވަރަށް ކާމިޔާބު މަސައްކަތެއް ކަމަށެވެ.
މި ރަސްމިޔާތުގައި ހަދިޔާކޮށްފައިވަނީ ހިންމަފުށީ ސްކޫލުގައި އަލަށް އިމާރާތްކޮށްފައިވާ 8 ކުލާސްރޫމަށް ބޭނުންވާ 132 ޑެސްކެވެ. މި ޑެސްކުތައް ބަރަކާ ޗެރިޓީއަށް ޖަހައިދީފައިވަނީ ހިންމަފުށީ އައްސޭރި ޖަލުގެ ވަޑާންގެއިންނެވެ. އައްސޭރި ޖަލުން މިކަމާ ގުޅިގެން ބުނެފައިވަނީ މިއީ މުޖުތަމަޢަށް ފައިދާހުރި ކަމެއް ކޮށްދިނުމަށާއި، ވަޑާމުގެ މަސައްކަތް ދަސްކޮށްދިނުމަށް ލިބުނު ވަރަށް ފަހި ފުރުޞަތެއް ކަމަށެވެ.
ސްކޫލްގެ ޕްރިންސިޕަލް މަރިޔަމް އިނާޝާ ވިދާޅުވީ މިއީ ހަމަ އެކަނި ޑެސްކުތަކެއް ނޫންކަމަށާއި، މިއީ އެތައް ދަރިވަރުންނެއްގެ ތަޢުލީމީ ޙަޔާތަށް ލިބިގެންދިޔަ ވަރަށް ދީލަތި އެހީއެއް ކަމަށެވެ. މި ރަސްމިއްޔާތުގައި އަގުވަޒަންކުރުމުގެ ގޮތުން ސްކޫލުގެ ފަރާތުން ދާއިރާގެ މަޖިލިސް މެންބަރާއި، ބަރަކާ ޗެރިޓީ އާއި އައްސޭރި ޖަލަށް ހަނދާނީ ފިލާ އަރުވާފައި ވެއެވެ.
ކިޔުންތެރިންގެ ހިޔާލު