މޯލްޑިވްސް އިމިގްރޭޝަނަށް 70 އިމިގްރޭޝަން އޮފިސަރު ޓްރެއިނީސް ހޯދަން ބޭއްވި ވޯކިން އިންޓަވިއުއަށް 600 އަށްވުރެ ގިނަ މީހުން ދިޔަ ކަމަށް އިމިގްރޭޝަނުން މިއަދު ވިދާޅުވެއްޖެއެވެ.
އެ އިދާރާއަށް 70 އޮފިސަރު ޓްރެއިނީސް ނެގުމަށް ބޭއްވި އިންޓަވިއުއަށް މިފަހަރުވެސް ބޮޑު ތަރުހީބެއް ލިބުނު ކަން އިއްޔެ އިމިގްރޭޝަނުން ވިދާޅުވެފައި ވެއެވެ. އެގޮތުން އިންޓަވިއު ފެށިތާ ދެތިން ގަޑިއިރު ތެރޭގައި 500 އަށްވުރެ މީހުން އިންޓަވިއުއަށް ދިޔައެވެ.
އިންޓަވިއު ކުރިއަށް ގެންގޮސްފައި ވަނީ ހުޅުމާލޭގެ ސަލާހުއްދީ ސްކޫލްގައެވެ.
އިމިގްރޭޝަންގެ އޮފިޝަލަކު ވިދާޅުވީ، އިއްޔެ 16:30 ގައި އިންޓަވިއުތައް ނިމިގެންދިޔައިރު، 670 މީހަކު ވޯކިން އިންޓަވިއުއަށް ދިޔަ ކަަމަށެވެ.
މިއީ އެ އިދާރާއިން ކުރިއަށްގެންދާ މިފަދަ ދެވަނަ އިވެންޓެވެ. މީގެ ފަސް މަހެއްހާ ކުރިން އިމިގްރޭޝަނުން ބޭއްވި ވޯލްކިން އިންޓަވިއުއަށް ބޮޑު ތަރުހީބެއް ލިބުނެވެ. އެގޮތުން އެ ވޯކިން އިންޓަވިއުއެއަށް 900 އަށްވުރެ ގިނަ މީހުންދިޔައިރު، ޝަރުތު ހަަމަވީ 758 މީހެކެވެ. އޭގެ ތެރެއިން އިމްތިހާނު ހެދީ 549 މީހެކެވެ.
ކިޔުންތެރިންގެ ހިޔާލު