މޯލްޑިވްސް މީޑިއާ ކައުންސިލާއި ބްރޯޑްކާސްޓިން ކޮމިޝަން ދެ ތަނެއްގެ ގޮތުގައި ހިންގުން ހަރަދު ބޮޑުވާ ކަމަށް ބުނެ ގާނޫނު ފާސްކޮށްގެން އުފެއްދި މީޑިއާ ކޮމިޝަންގެ ރައީސަށް 59,000ރ އަދި ކޮންމެ މެންބަރަކަށް 48,000 ރުފިޔާ ލިބޭނެ ކަމަށް ބުނެފި އެވެ.
ނޫސްވެރިންގެ ކަންބޮޑުވުންތަކަށް ބެލުމެއް ނެތި މީޑީއާ ކޮންޓްރޯލްކުރުމަށް ގާނޫނު ފާސްކުރި އިރު ކުރަން ޖެހޭ އެންމެ ބޮޑު ސަބަބެއްގެ ގޮތުގައި ސަރުކާރަށް ތާއީދު ކުރާ މެންބަރުން ނެގީ ދެ ކޮމިޝަން ވަކިން ހިންގުމުން ހަރަދު ބޮޑުވާތީ އެވެ.
މިނިވަން މުވައްސަސާއެއްގެ ގޮތުގައި ހިންގާ މީޑިއާ ކޮމިޝަންގެ މެންބަރުންނަށް މެމްބަރުންގެ އަސާސީ މުސާރައަކީ 33،000 ރުފިޔާ އެވެ. އެލަވަންސް ތަކާއެކު ޖުމްލަ 48,000ރުފިޔާ ލިބޭނެ އެވެ.
ކޮމިޝަންގެ ރައީސް މުހައްމަދު ފަރުޝަތަށް 58,000 ރުފިޔާ ޖުމްލަ ލިބޭނެ އިރު ނައިބު ރައީސް ޒަމްއަތު 55,000ރުފިޔާ ލިބޭނެ އެވެ.
މީގެ ކުރިން ހިންގި މީޑިއާ ކައުންސިލް މެންބަރުންގެ މުސާރައަކީ 7000ރުފިޔާ އެވެ. ބްރޯޑްކޮމް މެންބަރުންގެ މުސާރައަކީ 35000 ރުފިޔާ އެވެ.
ކިޔުންތެރިންގެ ހިޔާލު