ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވަކިކޮށް، އެ މަގާމަށް މިފްކޯގެ ކުރީގެ ސީއީއޯ ހުސައިން ޝަމާހު ރަޝީދު އައްޔަންކޮށްފިއެވެ.
ސްޓެލްކޯގައި 27 އަހަރު ހިދުމަތް ކުރެއްވި ފަހުމީ ސްޓެލްކޯގެ އެމްޑީކަމަށް އައްޔަނު ކުރީ 2023، ނޮވެމްބަރު ގައެވެ.
ޕްރައިވެޓައިޒޭޝަން އެންޑް ކޯޕަރޭޓައިޒޭޝަން ބޯޑް (ޕީސީބީ) އިން ބުނީ ސްޓެލްކޯގެ މެނޭޖިން ޑިރެކްޓަރުގެ މަގާމުން ފަހުމީ މިއަދުގެ ވަގުތެއްގައި މަގާމުން ވަކިކޮށްފައިވާކަމަށެވެ. އަދި ސްޓެލްކޯގެ އައު އެމްޑީއަކަށް އައްޔަނު ކުރީ ޝަމާހުކަމަށް ބުންޏެވެ.
ސްޓޭޓް އިލެކްޓްރިކް ކޮމްޕެނީ ލިމިޓެޑުގެ ޑިރެކްޓަރުންގެ ބޯޑުގެ މެނޭޖިންގ ޑިރެކްޓަރުގެ މަގާމުން މ. ފަތަޙަ، އަލްފާޟިލް ހުސެއިން ފަހުމީ ވަކިކޮށް، އެމަގާމަށް މ. ސިސްކިން، އަލްފާޟިލް އަޙްމަދު ޝަމާޙް ރަޝީދު ވަނީ އައްޔަނުކޮށްފައެވެ. pic.twitter.com/9Rtvr1MFyR
— Privatization & Corporatization Board (@pcb_gov) September 7, 2025
ފަހުމީ މަގާމުން ވަކިކޮށްފައިވާ ސަބަބެއް، ޕީސީބީ ހާމައެއް ނުކުރެއެވެ.
ސަރުކާރު ހިއްސާވާ ކުންފުނިތަކަށް އެކި ބަދަލުތައް ގެނައުމުގެ ވާހަކަތައް ދޭތެރެއަކުން ދެކެވޭއިރު، އޭގެ ތެރޭގައި ފަހުމީ އެހެން މަގާމަކަށް ބަދަލު ކުރުން ވެސް ހިމެނެ އެވެ. އެހެން ނަމަވެސް އެކަމާއި ބެހޭ ގޮތުން ސަރުކާރުންނާއި ފަހުމީގެ ފަރާތުން އެއްވެސް ޖަވާބެއް ލިބިފައި ނުވެއެވެ.
ފަހުމީ މަގާމުން ވަކިކުރުމުން ވަނީ “އެކްސް” ގައި ޕޯސްޓެއް ހިއްސާ ކޮއްފައެވެ.
I extend my heartfelt gratitude to President Dr. Mohamed Muizzu for granting me the privilege of leading STELCO which I have Served for 27 years
I would like to thank the Executives and employees whose hard work and commitment have been the driving force behind STELCO’s success.…
— Hussain Fahmy (@HussainFahmy09) September 7, 2025
ސްޓެލްކޯގެ އައު އެމްޑީ ޝަމާހު މިފްކޯގެ ސީއީއޯގެ މަގާމުގައި ހުންނަވަނިކޮށް އެ މަގާމުން އޭނާ ވަކިކޮށް، މިދިޔަ އަހަރުގެ ތެރޭގައި އައްޔަނު ކުރީ ފިޝަރީޒް މިނިސްޓްރީގެ ސްޓޭޓް މިނިސްޓަރަކަށެވެ.
ކިޔުންތެރިންގެ ހިޔާލު