މާލޭގެ އެކި ސަރަހައްދުތަކުގައި ފުލުހުންގެ މަސައްކަތްތައް ހަރުދަނާ ކުރުމަށް މަޝްވަރާކޮށްފިއެވެ.
ކޮމިޝަނާ އޮފް ޕޮލިސް އިސްމާއީލް ނަވީން މިއަދު “އެކްސް”ގައި ކުރެއްވި ޕޯސްޓެއްގައި ވިދާޅުވީ މާލެ ފުލުހުންގެ ޑިޕާޓްމަންޓްތަކުގެ އިސްވެރިންނާ ބައްދަލުކޮށް، ސިޓީއަށް ދިމާވެފައިވާ މުހިންމު މައްސަލަތަކާ ބެހޭގޮތުން މަޝްވަރާކުރެއްވި ކަމަށެވެ.
ޓީމްތަކަށް އިރުޝާދު ދެއްވީ އެ ޓީމްތަކުގެ އޮޕަރޭޝަންތައް ކޯޑިނޭޓްކޮށް، މާލެ ސަރަހައްދުގެ އެކި ކަންކޮޅުތަކުގައި ފުލުހުންގެ މަސައްކަތްތައް ހަރުދަނާކޮށް، ރައްކާތެރި މުޖުތަމައުތަކެއް އުފައްދައި، މިހާރަށް ވުރެ ހަރުދަނާ ހިދުމަތްތަކެއް ފޯރުކޮށްދެއްވުމަށް ކަމަށެވެ.
ނަވީން އެހެން ވިދާޅުވެފައިވާއިރު އޭނާ ވަނީ ރައްޔިތަކު ފުލުހުންގެ ކިބައިން އެހީތެރިކަމަށް އެދޭ ހިނދު ފުލުހުންގެ ފަރާތުން ދިއްކޮށްލެވޭ އަތަކީ އިހުލާސްތެރިކަމާއި ތެދުވެރިކަމާއެކު ދިއްކޮށްލެވޭ އަތަކަށް ވާން ޖެހޭނެކަމަށް ވެސް މީގެ ކުރިން ވިދާޅުވެފައެވެ.
ފުލުހުންގެ ފަރާތުން އެހީތެރިކަމަށް ރައްޔިތަކު އެދޭނީ އެންމެ ކަންބޮޑުވާ ހިސާބަށް ކަންތައްތައް ގޮސްގެން، އަލިމަގެއް ނުފެނިގެން ކަމަށް ވިދާޅުވެ، ތެދުވެރިކަމާއި އަމާނާތްތެރިކަމާއެކު އެހީތެރިވުމަށް ކޮމިޝަނާ އޮފް ޕޮލިސް އިސްމާއީލް ނަވީން ވަނީ އެދިވަޑައިގެންފައެވެ.
ކިޔުންތެރިންގެ ހިޔާލު