ހދ. ހަނިމާދޫގައި އިމާރާތްކުރުމަށް ސަރުކާރުން ނިންމާފައިވާ ފުލުހުންގެ މަރުކަޒުގެ ބިންގާ އަޅައި، އަމަލީ މަސައްކަތް ރަސްމީކޮށް ފަށައިފިއެވެ.
މި މަސައްކަތް ރަސްމީކޮށް ފައްޓަވާފައިވަނީ ރައީސް، ޑރ. މުހައްމަދު މުއިއްޒުއާއި ކެބިނެޓުގެ މިނިސްޓަރުން ތިލަދުންމަތީ ދެކުނުބުރީގެ މީހުން ދިރިއުޅޭ ރަށްރަށަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން އެ އަތޮޅު ހަނިމާދޫއަށްދު ކުރެއްވި ޒިޔާރަތުގައި އެކަމަށް ހާއްސަކޮށްގެން މިއަދު ބޭއްވި ހާއްސަ ރަސްމިއްޔާތެއްގައެވެ.
އެ އިމާރާތުގެ އަމަލީ މަސައްކަތް ފައްޓަވައި ދެއްވީ ހޯމް މިނިސްޓަރު، އަލީ އިހުސާނާއި ފޮލިސް ކޮމިޝަނަރު އިސްމާއިލް ނަވީންއާއި ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) ގެ މެނޭޖިން ޑިރެކްޓަރު، އިބްރާހިމް ނަޒީމުގެ އިތުރު ހަނިމާދޫ ކައުންސިލްގެ ރައީސް، އަބްދުއް ސައްތާރު ހަސަންއެވެ.
Today, we marked the official commencement of construction of the HDh. Hanimaadhoo Police Station.
Honoured by the presence of H.E. President Dr. @MMuizzu , with the ceremony led by @min_mohst Ali Ihusan and @PoliceMvCP Ismail Naveen. pic.twitter.com/u8fUemqWlC
— Maldives Police (@PoliceMv) August 25, 2025
މިއީ ރާއްޖޭގެ ހުރިހާ ރަށަކަށް ފުލުހުންގެ ހިދުމަތް ފުޅާ ކުރެއްވުމަށް ރައީސް، ޑރ. މުއިއްޒު ފައްޓަވާފައިވާ ސިޔާސަތުގެ ދަށުން ކުރިއަށް ގެންދާ މަޝްރޫއުއެކެވެ. ސަރުކާރުގެ އަމާޒަކީ 2026 ވަނަ އަަހަރުގެ ނިޔަލަށް ރާއްޖޭގެ ކޮންމެ ރަށަކީ ވެސް ފުލުހުންގެ ހިދުމަތް ގާއިމުވެފައިވާ ރަށަކަށް ހެދުމެވެ. އެގޮތުން ރަށްރަށުގައި ޕޮލިސް ސްޓޭޝަންތައް ހެދުމާއި، ޕޮލިސް ޕޯސްޓުތައް ހެދުން އަދި ޕޮލިސް ޑެސްކުތައް ގާއިމު ކުރުމުގެ މަސައްކަތްތައް ދަނީ ކުރިއަށެވެ.
ރާއްޖޭގެ އެކި ކަންކޮޅުތަކުގައި ފުލުހުންގެ ހިދުމަތް ފަށާ، ރާއްޖޭގައި ކުށް މަދު ކުރުމަކީ މި ސަރުކާރުން ވަރަށް އިސްކަމެއް ދީގެން ކުރިއަށް ގެންދާ ކަމެކެވެ. އެގޮތުން މަސްތުވާތަކެތީގެ މައްސަލައަށް ހައްލު ގެނައުމާއި ގޭންގް މާރާމާރީއަށް ހައްލު ގެނައުމަކީ މި ސަރުކާރުން ވަރަށް ބޮޑަަށް ބާރު އަޅައިގެން ކުރިއަށް ގެންދާ ކަމެކެވެ.
ކިޔުންތެރިންގެ ހިޔާލު