ރައީސް ޑރ މުހައްމަދު މުއިއްޒުގެ ވަޢުދުފުޅާ އެއްގޮތަށް، ޖުލައި މަހުން ފެށިގެން ޙާފިޒުންނަށް ދެމުން އައި އެލަވަންސް ދެގުނައަށް އިތުރުކޮށް، 4000 ރުފިޔާއަށް ބޮޑުކޮށްފިއެވެ. މިއީ ކީރިތި ޤުރުއާން ހިތުދަސްކުރުމަށް ދިވެހި ޒުވާނުންނަށް ދެވޭ ވަރަށް ބޮޑު ހިތްވަރެކެވެ.
ކީރިތި ޤުރުއާން ހިތުދަސްކުރުމަކީ އިސްލާމީ އުންމަތުގެ ތާރީޚުގައި އެންމެ މަތިވެރި އަދި ޝަރަފުވެރި ކަންކަމުގެ ތެރޭގައި ހިމެނޭ ކަމެކެވެ. ކުރިން ދެމުން އައި 2000 ރުފިޔާގެ އެލަވަންސް 4000 ރުފިޔާއަށް ބޮޑުކުރުމަކީ ޙާފިޒުންނަށް ލިބިގެންދިޔަ ވަރަށް ބޮޑު ހިތްވަރެކެވެ. މި ބަދަލާއެކު ގިނަ ޒުވާނުން ޤުރުއާން ހިތުދަސްކުރުމަށް ޝައުޤުވެރިވާނެކަމަށް އުންމީދުކުރެވެއެވެ.
މި ބަދަލަކީ ހަމައެކަނި މާލީ އެހީތެރިކަމެއް ނޫނެވެ. މިބަދަލަކީ ޤައުމުގެ އިސްލާމީ ތަރުބިއްޔަތު ކުރިއެރުވުމަށް އެޅޭ މުހިންމު ފިޔަވަޅެކެވެ. ޙާފިޒުންގެ އަދަދު އިތުރުވުމަކީ މުޖުތަމަޢުގެ ދީނީ ހޭލުންތެރިކަން އިތުރުވެ، އިސްލާމީ ޤިޔަމްތައް ވަރުގަދަވުމަށް މަގުފަހިވެގެންދާނެ ކަމެކެވެ.
އެލަވަންސް އިތުރުކުރުމުގެ ސަބަބުން ޙާފިޒުންނަށް މާލީ ގޮތުން ލުއިފަސޭހަކަން ލިބި، އެބޭފުޅުންގެ އާއިލާތަކަށްވެސް އެހީތެރިކަމެއް ލިބިގެންދާނެއެވެ. މީގެ އިތުރުން، މިކަމުގެ ސަބަބުން ޤުރުއާން ކްލާސްތައް އިތުރުވެ، އާމްދަނީ ހޯދުމުގެ އިތުރު ފުރުސަތުތައް ޙާފިޒުންނަށް ހުޅުވިގެންދާނެއެވެ.
މި ބަދަލުގެ ސަބަބުން ކުރިއަށް އޮތް ތަނުގައި ޤުރުއާން ހިތުދަސްކުރާ ކުދިންގެ އަދަދު އިތުރުވެ، ރާއްޖޭގެ ކޮންމެ ރަށެއްގައިވެސް ޙާފިޒުން އިތުރުވެގެންދާނެކަމަށް އުންމީދުކުރެވެއެވެ. މިއީ ދިވެހިރާއްޖެ ފަދަ 100 އިންސައްތަ މުސްލިމު ޤައުމަކަށް ލިބިގެންދާނެ ވަރަށް ބޮޑު ކުރިއެރުމެކެވެ.
ޙާފިޒުންގެ އެލަވަންސް ދެގުނައަށް އިތުރުކުރުމަކީ ސަރުކާރުން އަޅުއްވާފައިވާ ވަރަށް މުހިންމު އަދި ތާރީޚީ ފިޔަވަޅެކެވެ. މިކަމުގެ ސަބަބުން ދިވެހި މުޖުތަމަޢުގައި ކީރިތި ޤުރުއާނަށް ދެވޭ އަހައްމިއްޔަތުކަން އިތުރުވެ، އިސްލާމީ ތަޢުލީމާއި ތަރުބިއްޔަތު އިތުރަށް ފުޅާވެގެންދާނެކަން ކަށަވަރެވެ. މި ބަދަލަކީ މުޅި ޤައުމަށް ލިބިގެންދާނެ ވަރަށް ބޮޑު ކުރިއެރުމެކެވެ.
ކިޔުންތެރިންގެ ހިޔާލު