މާފަންނު ރަސްފަންނުގައި ހުންނަ ލެމަންގްރާސްގެ “ޕޮމެލޯ” ރެސްޓޯރަންޓުގައި ހިނގި އަލިފާނުގެ ހާދިސާ، އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރފައިޓަރުން ވަނީ ކާމިޔާބުކަމާއެކު ނިއްވާލައިފައެވެ.
މި ހާދިސާގެ މަޢުލޫމާތު އެމްއެންޑީއެފް ފަޔަރ އެންޑް ރެސްކިޔު ސަރވިސަށް ލިބުނީ މިއަދު މެންދުރުފަހު 12:14 ގައެވެ. މަޢުލޫމާތު ލިބުމާއެކު، ފަޔަރފައިޓަރުންގެ ޓީމެއް ވަގުތުން ހާދިސާ ހިނގި ސަރަޙައްދަށް ގޮސް، ވަނީ ރޯވި އަލިފާން ގަނޑު ކޮންޓްރޯލްކޮށް ނިއްވާލައިފައެވެ. މި ހާދިސާ ހިނގި “ޕޮމެލޯ” ރެސްޓޯރަންޓަކީ މިވަގުތު މަރާމާތުކުރުމުގެ މަސައްކަތްތަކެއް ކުރިއަށްދާ ތަނެކެވެ.
މި ހާދިސާގައި އެއްވެސް ފަރާތަކަށް އަނިޔާއެއް ލިބިފައިނުވާކަމަށް އެމްއެންޑީއެފް އިން ވިދާޅުވިއެވެ.
ކިޔުންތެރިންގެ ހިޔާލު