މާލެއިން ތ. ވޭމަންޑޫއަށް ދަތުރުކުރަމުންދިޔަ “އަލްމަޖްރާ” ދޯނި ދިއްގިރި ކައިރިން ފަރަށް އަރައި އަޑިއަށް ގޮސްފައިވާކަމުގެ މަޢުލޫމާތު މިއަދު ފަތިހު 5:34 ގައި ފުލުހުންނަށް ލިބުނެވެ.
މި ހާދިސާއާ ގުޅިގެން ވ. އަތޮޅު ފުލުހުން އެ ސަރަހައްދަށް ދިޔައިރު، ދޯނީގައި ދަތުރުކުރި 3 ފަސިންޖަރުން ހާލުގައި ޖެހި ފަރުމަތީގައި ތިބިތަން ފެނުނެވެ. އެ ފަރާތްތައް ފުލުހުންގެ ލޯންޗަށް ނަގައި މިހާރުވަނީ ފެލިދޫއަށް ގެންގޮސްފައެވެ. ފުލުހުން މަޢުލޫމާތު ދެއްވިގޮތުގައި މި 3 ފަރާތުގެ ހާލު ރަނގަޅު ކަމނގަޅު ކަމަށާއި، އޭގެ ތެރޭގައި ހިމެނެނީ ދިވެއްސަކާއި ބަންގްލަދޭޝްގެ ދެ ރައްޔިތުންނެވެ.
ފުލުހުން އިތުރަށް ހާމަކުރެއްވި ގޮތުގައި، ދޯނި އަޑިއަށް ދިޔައިރު އޭގައި ގިނަ އަދަދެއްގެ ޕީވީސީ ފިލާއާއި އެ ބާވަތުގެ އެހެނިހެން ސާމާނު ހުރިކަމަށް ފަސިންޖަރުން މަޢުލޫމާތު ދީފައިވެއެވެ. މި ތަކެތި މޫދަށް އޮޔާދާތީ، އެ ސަރަހައްދުން ދަތުރުކުރާ ފަރާތްތަކުން ސަމާލުވުމަށް ފުލުހުން އިލްތިމާސްކުރައްވައެވެ.
ކިޔުންތެރިންގެ ހިޔާލު