ބޭންކް އޮފް މޯލްޑިވްސް އަށް މި އަހަރުގެ ފުތރަތަމަ ހަ މަސް ތެރޭގައި 1 ބިލިއަން ރުފިޔާގެ ފައިދާ ވެއްޖެ އެވެ.
ބޭންކް އޮފް މޯލްޑިވްސް އިން ބުނީ މިއަހަރުގެ ފުރަތަމަ 6 މަސްދުވަހުން އެ ބޭންކަށް ލިބިފައިވާ ފައިދާ އަކީ މިދިޔަ އަހަރުގެ ފުރަތަމަ 6 މަސްދުވަހު އެ ބޭންކަށް ލިބިފައިވާ ފައިދާ އާއި އަޅާބަލާއިރު 12 އިންސައްތައިގެ ކުރިއެރުމެއް ކަމަށެވެ.
މީގެ އިތުރުން މި އަހަރުގެ 2 ވަނަ ކުއާޓަރުގައި އެ ބޭންކަށް 790 މިލިއަން ރުފިޔާގެ ފައިދާއެއް ލިބިފައިވާއިރު މި އަދަދަކީ މިދިޔަ އަހަރުގެ 2 ވަނަ ކުއާޓާގައި އެ ބޭންކަށް ލިބިފައިވާ ފައިދާއަށްވުރެ 232 މިލިއަން ރުފިޔާގެ އިތުރު ވުމެކެވެ. އެހެންކަމުން އެބޭންކަށް މިދިޔަ އަހަރުގެ 2 ވަނަ ކުއާޓާގައި ލިބިފައިވާ ފައިދާއާއި އަޅާބަލާއިރު 24 އިންސައްތައިގެ ކުރިއެރުމެއް ލިބިފައިވާކަމަށް ބުނެފައިވެއެވެ.
އަދި މި އަހަރުގެ 2 ވަނަ ކުއާޓަރުގައި އެ ބޭންކުން 21.3 ބިލިއަން ރުފިޔާ ގެ ލޯނު ދޫކޮށްފައިވާ ކަމަށާއި، 33.6 ބިލިއަން ރުފިޔާގެ ޑިޕޮސިޓާ އެކު، އެ ބޭންކުގެ ޖުމްލަ އެސެޓުގެ އަދަދު 51 ބިލިއަން ރުފިޔާއަށް އަރާ ކަމަށް ބުންޏެވެ.
މި އަހަރުގެ ދެވަނަ ކުއާޓަރާ ހަމައަށް ބީއެމްއެލުން އާންމު ފަރުދުންނާއި ވިޔަފާރިތަކަށް މުޅިން އަލަށް 3 ބިލިއަން ރުފިޔާގެ ލޯނު ދޫކުރިއެވެ.
ކިޔުންތެރިންގެ ހިޔާލު