ހުޅުމާލެ ދެވަނަ ފިޔަވަހީގެ ހިޔާ، ވިނަރެސް އަދި ފަހި ދިރިއުޅުން ޓަވަރުތަކުން މިއަދު ހަވީރު ކަރަންޓު ގޮސް، ތިން ގަޑިއިރަށް ވުރެ ގިނައިރު ވީއިރު ވެސް ކަރަންޓު ލިބިފައި ނުވާ ކަމަށް ސަން އޮންލައިނުން ރިޕޯޓުކޮށްފިއެވެ.
ހަވާސާ އާ ވާހަކަދެއްކި މީހަކު ބުނި ގޮތުގައި ވިނަރެސްގެ އެއްވެސް ޓަވަރެއްގައި ކަރަންޓެއް ނެތެވެ. އެ މީހާ ބުނީ ގާތްގަނޑަކަށް މިއަދު މެންދުރުފަހު 14:35 ހާއިރު ކަރަންޓު ދިޔަ ގޮތަށް އަދިވެސް ނުލިބޭ ކަމަށެވެ. ވިނަރެސް ޓަވަރުތަކުގެ އިތުރުން ހިޔާގެ އަށް ޓަވަރަކުން ވެސް ވަނީ ކަރަންޓު ގޮސްފައެވެ.
ކަރަންޓު ނެތުމުގެ ސަބަބުން ލިފްޓު ހުއްޓި، ތިރިއަށް ނުފޭބި ގިނަ ބަޔަކު ޓަވަރުތަކުގައި ތާށިވެފައި ތިބި ކަމަށާއި، މައްޗަށް ނޭރި ޓަވަރުތަކުގެ ތިރީ ޕާކުތަކުގައި ވެސް މީހުން ތިބި ކަމަށް އެ މީހާ ފާހަގަކުރިއެވެ.
އެކްސްގައި ކުރި ޕޯސްޓެއްގައި ސްޓެލްކޯއިން ބުނީ ކަރަންޓު މެދުކެނޑުނު މައްސަލަ ހައްލުކުރުމުގެ މަސައްކަތް ކުރިއަށް ދަނިކޮށް އިތުރު ޓެކްނިކަލް މައްސަލަތަކެއް ފާހަގަވެފައިވާ ކަމަށާއި، ވީ އެންމެ އަވަހަކަށް ހައްލުކުރުމަށް އެ ކުންފުނީގެ ޓެކްނިކަލް ޓީމުން ކެނޑިނޭޅި މަސައްކަތް ކުރަމުންދާ ކަމަށެވެ. ނަމަވެސް މައްސަލަ ހައްލުވާނެ ވަކި އިރެއް ސްޓެލްކޯއިން ހާމައެއް ނުކުރެއެވެ.
މާލެއާއި ހުޅުމާލެއިން ކަރަންޓު ކެނޑުމުގެ މައްސަލަތައް ދޭތެރެއަކުން ދިމާވަމުން އަންނަ ކަމަށް ސަން އޮންލައިނުން ރިޕޯޓުކޮށްފައިވެއެވެ.
ކިޔުންތެރިންގެ ހިޔާލު