މި އަހަރުގެ މިހާތަަނަށް ރާއްޖެއަށް ޒިޔާރަތްކުރި ޗައިނާ ފަތުރުވެރިންގެ އަދަދު ލައްކައާ ކައިރިކޮށްފިއެވެ.
ފަތުރުވެރިކަމާއި ބެހޭ ވުޒާރާއިން އާއްމު ކުރި ތަފާސްހިސާބުތައް ދައްކާގޮތުން މި މަހުގެ 28 ވަނަ ދުވަހުގެ ނިޔަލަށް ޗައިނާއިން ރާއްޖެ އައި ފަތުރުވެރިންގެ އަދަދު ވަނީ 93،172 އަށް އަރައިފައެވެ.
ޗައިނާއަކީ ރާއްޖެއަށް އެންމެ ގިނައިން ފަތުރުވެރިން އަންނަ ގައުމެވެ.
އެ ތަފާސްހިސާބުތަކުން ދައްކާ ގޮތުގައި ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރާ ލިސްޓްގެ ދެވަނައިގައި އޮތީ ރަޝިޔާއެވެ. އެ ގައުމުން 77،275 ފަތުރުވެރިން އައިސްފައިވެއެވެ. އިނގިރޭސިވިލާތް ލިސްޓުގެ ތިން ވަނައިގައި 59،354 ފަތުރުވެރިނާއެކު އޮތްއިރު، ހަތަރުވަނައިގައި އޮތް އިޓަލީއިން ރާއްޖެއަށް ޒިޔާރަތްކޮށްފައިވަނީ 56،151 ފަތުރުވެރިންނެވެ.
މިހާތަނަށް މި އަހަރު ރާއްޖެއަށް ވަނީ މުޅި ޖުމްލަ 627،496 ފަތުރުވެރިން އައިސްފައެވެ. މިދިޔަ އަހަރުގެ މި މުއްދަތުގައި ރާއްޖެއަށް އައިސްފައިވަނީ 610،805 ފަތުރުވެރިންނެވެ. އެހެންކަމުން މިއީ 2.7 އިންސައްތަ އިތުރުވުމެކެވެ.
އެ ތަފާސްހިސާބުތައް ދައްކާގޮތުން މި މަހުގެ މި މުއްދަތުގައި ރާއްޖެއަށް 145،728 ފަތުރުވެރިން އައިސްފައި ވެއެވެ.
ރާއްޖޭގައި މިހާރު 180 ރިސޯޓު ހިންގަމުންދާއިރު، 16 ހޮޓެލަކާއި، 928 ފަތުރުވެހިގެ އިތުރުން، 172 ސަފާރީ އުޅަނދު ވެސް ދަނީ އޮޕަރޭޓު ކުރަމުންނެވެ.
ކިޔުންތެރިންގެ ހިޔާލު