މީހަކު ހިފަހަށްޓައި އަނިޔާކުރި މައްސަލައެއްގައި ފަސް ބިދޭސީއަކު ހައްޔަރުކޮށްފިއެވެ.
ކޯޓު އަމުރުގައިވާ ގޮތުން އެ މައްސަލައިގައި ހައްޔަރުކޮށްފައިވަނީ ބަންގްލަދޭޝަން ނިސްބަތްވާ ފަސް ބިދޭސީންނެވެ. އެ މީހުންގެ މައްޗަށް ކުރަނީ ހުއްދަނޫން ގޮތުގައި މީހުން ހިފެހެއްޓުމުގެ ތުހުމަތެވެ.
އެ މައްސަލައިގައި ހައްޔަރުކޮށްފައިވަނީ:
- އެމްޑީ ހޮސައިން (30އ)
- އެމްޑީ މެހެދި ހަސަން (34އ)
- އެމްޑީ ޝާ އަލަމް (39އ)
- ސަރފިފް ހަސަން (38އ)
- ރަސަލް (20އ)
ކޯޓު ވަނީ އެ މީހުންގެ ބަންދާއި މެދު ގޮތެއް ނިންމުމަށް އިއްޔެ ކޯޓަށް ހާޒިރުކުރުމުން 15 ދުވަހު ކަސްޓޯޑިއަލް ޖަލެއްގައި ބަންދުކޮށްފައި ބެހެއްޓުމަށް އަމުރުކޮށްފައެވެ.
އެ މި މީހުންގެ މައްޗަށް ތުހުމަތުކުރެވޭ ކޮންމެވެސް މިންވަރެއްގެ ހެކި ހުށަހަޅާފައިވާ ކަމަށް ވެސް އަމުރުގައި ވިދާޅުވެފައިވެއެވެ. އެގޮތުން ފުލުހުން ތައްޔާރުކޮށްފައިވާ ހާދިސާ ރިޕޯޓާއި އިންސިޑެންޓް ފޯމާއި ވިކްޓިމްއަށް ލިބިފައިވާ އަނިޔާގެ ފޮޓޯތަކާއި ސީނަށް ދިޔަ ފުލުހުންގެ ބަޔާންތަކާއި މަންޒަރުދުށް މީހުންގެ ބަޔާން ހުށަހަޅާފައިވާ ކަމަށެވެ.
ކޯޓު އަމުރުގައި ވިދާޅުވެފައިވަނީ އެ މީހުން ބަންދުކުރުމަށް ނިންމީ އެ މީހުން ބަންދުން ދޫކޮށްލައިފިނަމަ ފިލާފާނެކަމުގެ އިހުތިމާލު އޮތުމުން ކަމަށެވެ.
ކިޔުންތެރިންގެ ހިޔާލު